Irfan Hysenbelliu, si “vrasës” pa pagesë

29 Gusht 2022, 13:08, Opinione CNA

Irfan Hysenbelliu

Të vrasësh fjalën e lirë, me një media që u shërben interesave klienteliste apo përdoret për qëllime betejash politike dhe luftëra me qeverinë, është një nga mënyrat e ripërsëritura të Irfan Hysenbelliut.

CNA.al ka raportuar shpesh për betejat e tij me qeverinë, por jo beteja si media e lirë në parim, por beteja për interesat e tij personale.

Siç është rasti i përplasjes me ish-ministrin e Transporteve në kohën e qeverisë së PD-së, Sokol Olldashi, më pas me ish-ministrin e Financave zotin Bode, më pas filloi përplasja me ish-ministrin e Brendshëm Tahiri, tashmë ka filluar një sulm i gjerë prej kohësh ndaj shumë institucioneve, kryesisht, Tatimeve dhe Doganave, sepse e kanë kapur Irfanin në evazion fiskal dhe po ushtrojnë kontrolle për të paguar taksat.

Taksat, jo që shteti ia kërkon dhe i vijnë si pasojë e një kontrolli, por taksat që kishte vetëdeklaruar i kërkoi shteti në një copë letër ditën kur Irfan Hysenbelliu kërceu përpjetë.

Një "vrasës" i fjalës së lirë, sepse kur përdor median të sulmosh institucionet sepse s’ke paguar taksat, gjithçka është e pajustifikuar.

Irfan Hysenbelliu, sulm tatimeve pas kontrolleve për evazion fiskal
24 Maj, 16:53

Një "vrasës" i fjalës së lirë sepse, nga njëra anë reklamon kryebashkiakun Veliaj si një histori suksesi për t’iu lëpirë qeverisë dhe nga ana tjetër sulmojnë institucionet.

E më pas për të bërë balancë e për t'u fshehur përpiqet të transmetojë Ramën e ndonjë ministër tjetër.

Një "vrasës" i së vërtetës dhe fjalës së lirë.

CNA.al ka disponuar informacione të plota se Irfan Hysenbelliu, telefonoi media, gazetarë dhe tentoi të vendoste censurë për "Festën e Birrës" në Korçë.

Një leksion nga “Festa e Birrës” dhe një falënderim për Irfan Hysenbelliun
22 Gusht, 13:53

Festë, të cilën e kishte personalizuar për gati 15 vite, duke bërë ekspansion me reklama, sikur ishte festa e birrës së tij private.

Dështoi me sukses. Festa ishte më madhështore se kurrë.

Një "vrasës" pa pagesë sepse nuk e paguan askush për të bërë këtë veprim, por djaloshi nga Çepani i Skraparit, miku i afërt i Ilir Metës, lëpirësi i qeverive dhe pushteteve të ndryshme për interesa biznesi, gjithçka bën thjesht dhe vetëm për një arsye, për bizneset e tij për të mos paguar taksat.

Një qytetar i thjeshtë, një biznes i thjesht, në rast se i kalon afati i taksave, i bllokohet çdo llogari bankare, në rast se nuk i paguan. Për një taksë lokale apo detyrim në Tatime, menjëherë shkon shkresa dhe bllokohen llogaritë bankare, ndërsa Irfan Hysenbelliu ka televizon dhe mund të akumulojë miliona euro borxhe ndaj qeverisë.

Ai si "vrasës" pa pagesë i fjalës së lirë, mund të marrë objekte me qira, me çmim qesharak prej 300 lekësh të reja, ndërsa shteti vetë duhet t’i marrë me 10 apo 15 euro metrin katror.

U pagua qindra mijë euro nga kompanitë e inceneratorëve dhe heshti për aferën, por kur plasi gjithçka, e drodhi.

Ndaj dhe Irfani mban media që të "vrasë" pa pagesë kë i del përpara, kush nuk e lë që të mos paguajë taksat sulmohet, kush bën një ligj apo e pengon të ndërtojë pa leje sulmohet dhe kështu ka ndodhur me Irfanin në mënyrë të vazhdueshme.

Tashmë një njeri që publikisht u kuptua cili është misioni i tij mediatik, të "vrasë" pa pagesë këdo që i del përballë që e pengon që ai të shkelë ligjin, që ai të mos jetë i barabartë përpara ligjit si të tjerët por pretendon se është mbi të gjithë.

Në fakt ligji është një.

Irfani duhet të shkojë të paguajë taksat dhe të heqë dorë nga "vrasja" pa pagesë dhe përdorimi i medias si armë në dorën e tij për të mbrojtur biznese që shkelin ligjet./ CNA.al