E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Flet Bujar Leskaj/Domosdoshmëria e shpalljes së zgjedhjeve vendore: PD duhet urgjentisht të reflektojë

27 Gusht 2022, 20:45, Opinione Bujar Leskaj

Bujar Leskaj

Të analizojmë shkrimin e Z. Ylli Asllani, “Domosdoshmëria e shpalljes së zgjedhjeve vendore” – Një analizë shumë e saktë dhe detajuar e Sekretarit të Çështjeve Vendore të PD, z. Ylli Asllani, i cili ka shumë përvojë në këtë fushë, jo vetëm si drejtues në bashki, ish- kryetar i bashkisë Gjirokastër apo këshilltar në presidencë e qeveritë demokratike për shumë vite.

Një analizë, e cila duhet lexuar mirë, interpretuar dhe vlerësuar nga të gjithë aktorët dhe faktorët politikë në Shqipëri, pasi tashmë përcaktimi i datës së zgjedhjeve është edhe dita e marrjes së përgjegjësisë dhe e provës së madhe për politikën dhe për të gjithë shqiptarët.

Unë besoj se Presidenti i ri i Republikës do të jetë në lartësinë e detyrës dhe do të dekretojë brenda afateve datën e zgjedhjeve.

Partia Demokratike duhet që urgjentisht të reflektojë për këto problematika:

1- Duke organizuar tryezat në të gjitha qarqet e Shqipërisë qysh në javën e parë të shtatorit, pasi me përjashtim të tryezës së organizuar në Fier të organizuar nga kryetari Berisha, takimet e tjera të deputetëve të PD, që janë anëtarë të Komisionit të Reformës Territoriale nuk kanë pasur pjesëmarrjen e duhur për arsyet që dihen;

2- Duhen bërë përpjekjet maksimale për arritjen e gjuhës së përbashkët me pjesën tjetër të deputetëve të PD , urgjentisht e vecanërisht me ata ,të cilët janë anëtarë të Komisionit të Reformës Territoriale ,në mënyrë që të arrihet gjuha e përbashkët për këtë proces kaq të rëndësishëm të ndarjes administrative, por edhe që në zgjedhjet e ardhshme vendore të mos shkojmë të përçarë, përballë një sekti që në 2019 edhe pse garonte me veten, përsëri i grabiti zgjedhjet;

(Të gjithë deputetët e Partisë Demokratike, pavarësisht pozicionimit që mund të kenë për momentin, duhet kenë një qëndrim të përbashkët, të dalë nga propozimet, qëndrimet dhe konsultimet me specialistët, këshilltarët dhe ish- drejtuesit e lartë të pushtetit vendor, përfaqësues të PD ndër vite.)

3- Gushti ashtu si edhe korriku duhet të ishin muaj pune, por si gjithmonë, me intensitet organizoi tryeza e takime kryetari i PD, Prof. Dr. Sali Berisha, ndërkohë që pjesëtarët e tjerë të kryesisë ekzekutive të partisë, shijonin pushimet.

PD është me vonesë në këtë drejtim, pasi duke mos punuar rrezikon të përsëriten gabimet e së shkuarës së afërt.