web counter
LEXO PA REKLAMA!

SHKARKO APP

App Store
Google Play

As Ilir Meta dhe as Ilir Metaj nuk ka për ta paditur Autoritetin e Dosjeve

22 Gusht 2022, 16:39, Opinione Bujar B.Hoxha
As Ilir Meta dhe as Ilir Metaj nuk ka për ta paditur Autoritetin e Dosjeve
Kreu i Partisë së Lirisë, Ilir Meta

Edhe pse sot tha se do të pres shtatorin e do ta padis autoritetin e dosjeve për gjoja “falsifikim dhe manipulim të qëllimshëm”, as Ilir Meta dhe as Ilir Metaj nuk ka për ta paditur dot Autoritetin e Dosjeve të Sigurimit të Shtetit.

Që prej 26 korrikut kur u publikua shkresa e Autoritetit të Dosjeve, sipas të cilës bashkëpunëtori i Sigurimit të Shtetit me inicialet I.M. është Ilir Rexhep Metaj, përkatësisht ish-Presidenti i Republikës Ilir Meta, janë bërë 27 ditë, që do të thotë se ky njeri ka patur të gjithë kohën e nevojshme për ta kallëzuar në prokurori Autoritetin e Dosjeve, gjë që nuk e ka bërë.

Kujtoni pak reagimin e Ilir Metës kur ishte ende ne detyrën e Presidentit të Republikës dhe sillni në mend se çfarë tha kur gazeta më e madhe austriake "Kronen Zeitung" publikoi një shkrim sipas të cilit kishte zbuluar një histori korruptive ku protagonist është Presidenti i Republikës së Shqipërisë, Ilir Meta dhe ku bëhej fjalë për një skandal financiar në shumën 700 mijë USD! A nuk tha se do ta padiste gazetën për “shpifje kundër tij” sikundër pretendon Ilir Meta, përkatësisht Ilir Metaj dhe se kallëzimin do ta bënte edhe publik për mediat?

Ku e ka kallëzimin e bërë? Përse nuk e ka bërë të njohur për shqiptarë?

Përgjigjja është e thjeshtë, sepse nuk ka bërë kallëzim.

Pra ai flet lart e poshtë, pretendon se do të bëjë kallëzim, por kallëzim nuk bën se e di se do dalë e vërteta në shesh. Ndaj, as kundër Autoritetit të Dosjeve, as Ilir  Metaj dhe as Ilir Meta nuk ka për të bërë kallëzim. Sepse ky njeriu e di shumë mirë se “të keqen” nuk e ka as nga Genta Solua dhe as nga anëtarët e tjerë të Autoritetit të Dosjeve, i cili është një autoritet ligjor kolegjial./ CNA.al





12:46 Opinione Luçiano Boçi

Vrasja duhet mundur

Elbasani nuk gjen paqe! Një i ri, familjar mes mijëra kal...

Lajmet e fundit nga