web counter
LEXO PA REKLAMA!

SHKARKO APP

App Store
Google Play

Do të notojmë në luks, le të vriten ata andej!

22 Gusht 2022, 08:24, Opinione CNA
Do të notojmë në luks, le të vriten ata andej!
Artan Fuga

Se nëse qenka sikurse e tha Ay, që në kushtet e luftës në Ukrahinë ne duhet të zhvillojmë industrinë ushtarake, dhe t'i shesim armë Ukrahinës, a Rusisë, a të dyjave bashkë, i bie që ne pastaj paskemi dëshirë që lufta të vazhdojë sa më shumë se ndryshe çfarë do t'i bëjmë miliona kallashet?

Pra, ne do të na udhëhiqka industria militare, pra do të kalojmë direkt nga postkomunizmi në imperializëm!

Y të keqen jo! 

Pra, qenkemi të interesuar atëherë për absurd që të vazhdojnë shkatërrimet. Lufta të mos mbarojë kurrë. As Rusia të mos fitojë, por as Ukrahina të mos dorëzohet! Nja dyqind vjet do e kemi Poliçanin, a Gërdecin, me kapacitete të plota!

Do të notojmë në luks, le të vriten ata andej!

Por, kur qenka kështu atëherë përse shkojmë për të rindërtuar në Ukrainë.

Se i bie që ne shkatërrojmë me armët tona, dhe pastaj rindërtojmë me lekët që kemi fituar nga shitja e armëve!

Cfarë fitojmë i falim për të riparuar dëmet që shkaktohen me armët tona!

Po a e di Ay se vendimi për të shitur armë në një konflikt të armatosur çfarë do të thotë dhe kush e merr atë vendim?

Pse rindërtojmë kur shkatërrimet nuk kanë mbaruar sepse lufta vazhdon derisa të punojë Poliçani, a Rroskoveci!

Hajde merre vesht këtë logjikë! Duhet të ketë ndonjë shkarje këtu se logjikisht as Sokrati nuk e zgjidh dot besoj!/CNA.al





12:46 Opinione Luçiano Boçi

Vrasja duhet mundur

Elbasani nuk gjen paqe! Një i ri, familjar mes mijëra kal...

Lajmet e fundit nga