LEXO PA REKLAMA!

SHKARKO APP

E fundit!

x

Të korruptuarit me tendera, me bakshishe

16 Gusht 2022, 09:04, Opinione Artan Fuga

Të korruptuarit me tendera, me bakshishe

Cfarë keqkuptimi!!!

Këta të korruptuarit me tendera, me bakshishe, me lloj-lloj gjërash që kanë synim pasurimin e paligjshëm, veç të tjerash, duhet jo vetëm të përbuzen, madje të izolohen nga shoqëria, por janë edhe në një keqkuptim absolut! E ka fajin shkolla dhe edukimi për këtë!

Mua më vjen keq për ta!

Kanë një keqkuptim gjigant të mjerët për jetën dhe vdekjen! Ju betohem!

Kujtojnë se edhe në botën e përtejme do të shkojnë me ato pasuri që kanë mbledhur me grykësi, të vjen t'ja plasësh gazit, po qe se nuk je me inat me ta, kujtojnë se pasuria do t'i mbrojë nga zonja Vdekje që do t'ua rrëmbejë të gjitha, kujtojnë se leku i vjedhur, grabitur apo fituar me hilera e poshtërsi, do t'i mbrojë nga sëmundjet, kujtojnë se po të hanë në restorante me çmime në stratosferë, po qe se shëtisin me varka vrastare fëmijësh, po të pinë verë 40 mijë euro shishja do të jenë më të lumtur, kujtojnë se ata që i rrethojnë janë miqtë e tyre të vërtetë, hahahahahaha, madje mendojnë se atje ku do të shkojnë do marrin me vete dashnore, rroba firmato, dhe harrojnë se dhe shtëpitë me dyqind dhoma, të fshehura pas gardheve me beton, nuk janë pronësi e tyre, janë vetëm me qira për disa sekonda, se në fund të gjithë do shkojnë atje te ata me lopatë!!!

Çfarë humbje kohe të kotë që bëjnë në vend të pasurojnë shpirtin!

Harxhojnë jetën, për të fituar atë që do t'u marrin me dhimbje edhe po qe se i shpëtojnë SPAKUT, e SPATËS!

Të vdesësh gazit nga keqkuptimet e tyre, nga fakti si e harxhojnë kot jetën e tyre, preh e ambicieve, iluzioneve, budallallikut!

Çfarë përgjegjësie shkolla shqiptare që i ka lënë injorantë në gormarllikun e tyre!

Qesh, qesh, qesh!

10:06 Opinione

Mote pa dasma

Ngjitur me shezlongun tim në plazh u rehatua një çift në m...

Lajmet e fundit nga