E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Iluzion koti.../ Nuk e blen njeri pasaportën tonë!

19 Gusht 2022, 09:45, Opinione Ylli Manjani

Iluzion koti.../ Nuk e blen njeri pasaportën tonë!

Foto ilustruese

Komisioni Europian i zonjës Ursulë nuk i bën dot asgjë sundimit të zotit "i dashur Edi".

Mos krijoni iluzion kot, se medemek qenka i shqetësuar Komisioni, Ursula dhe gjithë BE se Shqipëria po shet pasaporta shqiptare, që si hynë në punë as dreqit!

Komisioni i zonjës Ursulë ende ska folur asnjë fjalë për çështje shumë më të mëdha që prekin direkt Europën dhe Brukselin.

Fjala vjen asgjë nuk i bënë asgjë zotit "i dashur Edi" për numrin më të lartë,pas Sirisë, të azilkërkuesve. Ky ishte rreziku më i madh për të na kthyer vizat dhe nuk ndodhi, lavdi zotit!

Asnjë fjalë të vetme nuk ka thënë zonja Ursulë për:

Drogën që përmbyt Europën nga Shqipëria.

Shkuljen e Portit të Durrësit nga vendi, portën hyrëse të Korridorit të 8. Për më tepër dhënë për ndërtim pa garë dhe jashtë rregullave të BE me të cilat Shqipëria është dakordësuar në Marrëveshjen e Stabilizim Asocimit.

Coptimin dhe rritjen kostove në mënyrë katastrofike të aksit panEuropian Adriatik-Jon, në territorin që i takon Shqipërisë.

Barrierat e frikshme që ka sot Shqipëria e "të dashurit Edi" me bisneset Europiane dhe lehtësirat që i ka krijuar OFFSHORSAVE dhe mallrave nga lindja.

Zgërdhirjen e procesit të Berlinit dhe rrjeshtimin e Shqipërisë me aleatët e Putin, nëpërmjet "Ballkanit të Hapur".

Për përçudnimin e përditshëm të marrëveshjes së stabilizim Asocimit...

Etj, etj etj...

Ju prisni që zonja Ursulë tja mbledhë zotit "I dashur Edi" (me t'thanë mendja që e ka pasë shok klase që në fillore)?!

Aman na kurseni kohën dhe fokusohuni tek banditizmi politik që po i ndodh këtij vendi çdo ditë.

Nuk e blen njeri pasaportën tonë jo!

Ska ç'i duhet!

Ka shtete të tjera në Europën e zonjës Ursulë që shesin tyren, që e kanë më me shumë vlerë se tonën. (Medet ta kisha unë një të tillë)...

As hallin e sigurisë mos e mbani kot, se në këtë vend, han pa porta, hyn e jeton lloj lloj robi. Një vend që është bërë si konvikt ndërkombëtar që strehon turlilloj mjekre e çallme nuk rrezikohet më shumë nga shitja e pasaportës!

Meqë ra fjala, janë më të rrezikshme pasaportat që jepen për arsye shkencore, kulturore etje sesa pasaportat me lekë. Të parat skanë pikë transparence...

Por nëse ky projekt ecën, siç ndodh kudo sot në BE e më gjerë,i vetmi problem që na shkakton neve është rritja e mëtejshme artificiale e çmimeve të imobiliareve.

Por nuk besoj të ecë siç thuhet. Mali i Zi, fjala vjen, në gati 3 vite ka shitur vetëm 100 pasaporta. Maqedonia në 10 vite ska qullosur gjë...

Ndaj sugjeroj të mos mbani hiç shpresë tek llafet pa bukë të komisionit të zonjës Ursulë.

Nëse Shqiptarët e pranojnë zgjedhën e plaçkitjes, zonja Ursulë veç dakord do jetë...