Nga Mirel Mërtiri te lidhja me Vjollca Hoxhën/ 4 kompanitë e Stela Gugalles të inceneratorit të Elbasanit e shpallur në kërkim

21 Tetor 2022, 14:34, Editorial CNA

Nga Mirel Mërtiri te lidhja me Vjollca Hoxhën/ 4 kompanitë e

Stela Gugallja (Foto montazh)

Një emër i panjohur, që më pas do të bëhej një personazh kryesor në shumë nga mediat shqiptare, menjëherë pasi plasi skandali për aferën korruptive në lidhje me inceneratorët në Shqipëri.

Një nga emrat e përfshirë është Stela Gugallja, një emër i panjohur, një vajzë e re 20 e ca vjeçare, e cila një ditë të bukur hap një kompani në QKR dhe pas disa muajsh merr një kontratë 22 milionë euro.

Dikur e ka quajtur skemë korruptive, aferë, por në fakt SPAK-u ka arrestuar një ish-ministër sepse është vërtetuar sipas prokurorëve se Stela Gugallja në disa kompani ka çuar para te Lefter Koka, ish-ministri që ka firmosur kontratat koncesionare.

Nga Mirel Mërtiri te lidhja me Vjollca Hoxhën/ 4 kompanitë e

Kompania e parë është “Albtech Energy”

Kjo kompani themelohet në korrik të 2017-ës dhe në dhjetor me një firmë të rrufeshme e një stuhi konfirmimesh nga 14 institucione merret kontrata koncesionare për ndërimin e inceneratorit të Elbasanit.

Nga Mirel Mërtiri te lidhja me Vjollca Hoxhën/ 4 kompanitë e

Një kontratë 22 milionë euro, për një incenerator që ndodhet atje në Elbasan, por që kushton gati 100 mijë euro në muaj që të qëndrojë vetëm ndezur dhe shpresohej se do të zgjidhte përfundimisht çështjen e mbetjeve në qarkun e Elbasanit, por asgjë nuk është zgjidhur.

Shumë nga bashkitë nuk i çojnë mbetjet. Bashkia e Elbasanit nuk e merrte në dorëzim, kostot janë shumë të larta e të tjera si këto.

Duhen miliona euro në vit për ta mbajtur në punë.

Stela Gugallja shfaqet me një kompani, qeveria i jep nje koncesion. Opozita akuzon se është një aferë korruptive, kontrata është dy deri në trefish më e lartë dhe mund të realizohej shumë më lirë.

Stela Gugallja firmos rritjen e kapitalit për kompaninë “Albtech Energy”

Skema është e qartë, Stela Gugallja, bashkëjetuesja dhe nëna e fëmijëve të Mirel Mërtirit, i cili shpesh quhet edhe "truri i inceneratorëve", rrugën e ka të hapur në kompaninë e saj.

Ajo merr kontratën koncesionare të cilën më pas e çon në një bankë të nivelit të dytë.

Banka i disburson një shumë parash dhe lind pyetja: “Ku do të gjendet shuma tjetër?”, pasi shuma e marrë nga banka ishte 10 apo 20% e totalit të investimit prej 22 milionë eurosh.

Inceneratori i Elbasanit/ Një aferë korruptive dhe kriminale
27 Tetor, 13:15

Zgjidhja është e thjeshtë, një kompani italiane ofron inceneratorin me çelësa në dorë me të paktën 7 milionë euro më pak se kontrata koncesionare.

Pa pasur asnjë lekë Stela Gugallja me kontratën koncesionare të qeverisë merr lekët në bankën e nivelit të dytë për të filluar investimet dhe përveç italianit Ernesto Graneli që më pas Stela do ta ketë ortak në një kompani ku do ta ketë administrator, bashkëjetuesin e saj Mirel Mërtiri, qeveria bën një tjetër spektakël.

Mirel Mërtiri (Foto montazh)

Nga qershori i vitit 2015 fillon ta paguajë kompaninë e Stela Gugallës. Pra, nuk ka rëndësi ke apo s’ke para, merr një kontratë me qeverinë, e çon atë në bankë, merr një kredi të vogël dhe në momentin kur ti duhet të fillosh të paguash bankën apo të fillosh të bësh investimin, qeveria fillon dhe hedh qindra mijëra dollarë në llogarinë tënde.

Stela Gugallja është rasti me flagrant me kompanitë e saj me shtetas italianë, me bashkëjetuesin e saj Mirel Mërtiri, i cili është administrator i kompanisë së dytë që ka pasur Stela Gugallja.

Është kompania “ER One Albania”, ku Stela ka 40% të aksione dhe italiani Ernesto Graneli ka 60% të tyre dhe administrator i kompanisë është Mirel Mërtiri.

Nga Mirel Mërtiri te lidhja me Vjollca Hoxhën/ 4 kompanitë e

Një kompani e tretë është “Consulting S. E partners”, sërish një kompani e Stela Gugalles, e cila merr muaj për muaj nga kompanitë e inceneratorëve, para për konsultë.

Janë qindra miliona lekë të dhëna nga kompanitë e inceneratorëve për këtë kompani të Stela Gugalles për konsulencë.

Pra, pa pasur asnjë eksperiencë, hap një subjekt, merr një kontratë, merr ca para nga shteti, ndërton një incenerator në Elbasan që në fakt ka një kosto të frikshme, hap kompani konsultimi dhe kompania e konsultimit furnizohet me paratë e kompanive të inceneratorëve sërish.

E nuk do të mjaftonte kjo kompani e tretë për të dhënë lekë te Stela, bashkëjetuesja e Mirel Mërtirit dhe nëna e fëmijëve të tij, por lind dhe kompania e katërt, e cila do të kryente instalime për sisteme karburantesh, informatike, automatizime me kartë e të tjera si këto. Në oratakëri kjo kompani ka Vjollca Hoxhën e “Top Channel”.

Vjollca Hoxha

Pronarja e “Top Channel”, e cila nuk është vetëm njëherë ortake me Stela Gugallen, është bashkortake te “Lori Caffe” me Mirel Mërtirin dhe Klodian Zoton, por këtu është direkt me Stela Gugallen e inceneratorit të Elbasanit.

Një personazh i panjohur, pa të ardhura, pa ndonjë pasuri të konsiderueshme apo të trashëguar, thjesht dhe vetëm si bashkëjetuese e Mirel Mërtirit dhe me mendjen e tij “të ndritur”, mesa duket çifti ka zgjedhur rrugën e inceneratorëve.

I pari që realizohet në Shqipëri është ai i Elbasanit me 22 milionë euro, me kompaninë “Alb Tech Energy” në emër të Stelës, e cila sot është në kërkim. Partitë politike dhe mediat akuzojnë se fshihet në Vienë, ndërkohë që Mirel Mërtiri vazhdon të jetë i lirë me nënën e fëmijëve në kërkim.

Inceneratori i Elbasanit

Stela vazhdon të jetë në kërkim dhe këtu fillon skema e inceneratorëve nga Elbasani te kompanitë e para të Stelës te “Alb Tech Energy”, më pas shkon me aktivitete në kompanitë e Klodian Zotos.

Klodian Zoto (Foto montazh)

Ka disa lidhje zinxhir, fatura, pagesa e të tjera si këto, por këto janë katër kompani sipas ekstrakteve zyrtare të QKB-së, të cilat tregojnë se si Stela Gugallja një ditë të bukur u ngrit nga gjumi, hapi një kompani në QKR, mori një kontratë koncesionare, mori miliona euro, bëri ortakëri me italianë dhe pronarë televizionesh e më pas u zhduk dhe u shpall në kërkim sepse kompania e saj kishte paguar një ish-ministër, i cili tashmë ndodhet prapa hekurave i arrestuar me kërkesën e SPAK-ut./CNA.al