LEXO PA REKLAMA!

SHKARKO APP

Modeli Enrico Letta/ Dorëheqje dhe platformë për shpëtimin e Partisë Demokratike

3 Tetor 2022, 12:42, Editorial CNA

Modeli Enrico Letta/ Dorëheqje dhe platformë për shpëtimin e

Pas duelit elektoral, një fazë e re hapet për Partinë Demokratike italiane.

Në radhë për epokën "pas Letta" janë nga Bonaccini deri te Schlein.

Por opsioni i shpërbërjes së partisë dhe lindja e një subjekti të ri politik mbetet në tavolinë.

Të enjten, më 6 tetor, zëvendëssekretari Enrico Letta do të drejtojë Organizmin Kombëtar të Partisë Demokratike për të nisur sezonin e kongresit. Letta në konferencën për shtyp paszgjedhore tashmë e ka bërë të qartë se nuk do të jetë kandidat në primaret që do të duhen për të zgjedhur kreun e ri të demokratëve.

"Do të jetë një linjë kongresi gjithëpërfshirëse dhe e hapur që të shkojë në rrënjën e problemeve dhe të adresojë sfidat me të cilat përballet komuniteti ynë. Dhe më pas të zgjedhim se kush do të na udhëheqë në të ardhmen në përputhje me rrethanat," shkroi ai në "Twitter".

Katër fazat dhe letra drejtuar militantëve:

Në zgjedhjet politike të 25 shtatorit Partia Demokratike mori vetëm 19.7%: një rezultat zhgënjyes që kërkon ndryshim.

Në një letër dërguar dy ditë më parë militantëve të Partisë Demokratike, Letta kërkon rigjenerimin dhe rithemelimin e partisë.

Letta propozon katër faza për të arritur në zgjedhjen e sekretarit të ri.

E para do të jetë ajo e “thirrjes”, e cila do të zgjasë disa javë dhe do jetë e hapur për të gjithë ata që duan të marrin pjesë në projektin “Italia Demokratike dhe Progresive”.

E dyta do të jetë ajo e "shenjat identifikuese", ose që kanë të bëjnë me gjërat që duhet të zgjidhen: nga identiteti tek emri, te simboli, te aleancat. Gjithçka është vënë në pikëpyetje.

E treta do të konsistojë në seleksionimin e kandidatëve derisa të zgjidhen dy me të mirët.

Së fundi, zgjedhjet paraprake mes dy kandidatëve për sekretar të përgjithshëm.

Nuk ka nevojë të ndryshohen statutet apo rregulloret:

“Gjithçka mund të bëhet sipas rregullave në fuqi dhe prandaj të fillojë shpejt”.

Për epokën "pas Letës" tashmë ka një radhë kandidatësh.

Tre prej tyre vijnë nga Emilia Romagna: Paola de Micheli, Stefano Bonaccini dhe Elly Schlein.

Opsioni i shpërbërjes:

Ka një tjetër opsion në tryezë: jo kongres, por shpërbërje dhe një simbol i ri. Është një rrugë e ndërlikuar, e cila megjithatë, mbështetet nga ish-PD-isti Pierluigi Bersani dhe Massimo D'Alema.

Edhe ministri i Shëndetësisë Roberto Speranza, sekretar dhe themelues i "Neni Një", bën presion për lindjen e një subjekti të ri politik./CNA.al

Lajmet e fundit nga