E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Amerikanët “ekzekutojnë” politikisht Lulzim Bashën

14 Shtator 2022, 11:28, Editorial Elvi FUNDO

“BBC” ka nxjerrë një raport në lidhje me financimet e bëra nga Rusia në Ballkan, ku përfshihet, Shqipëria, Bosnja, Mali i Zi e të tjera vende.

Në fakt, ka qenë një lajm i AFP-së, i cituar qartësisht, ku thuhet se rusët kanë paguar për Partinë Demokratike rreth 500 mijë dollar në vitin 2017.

Është një rast i pastër, i qartë, i denoncuar në atë kohë.

Fillimisht raportimi u bë në “Mother Jones”, një media amerikane, e cila nuk u mor seriozisht, por quhej si një portal periferik nga Lulzim Basha dhe të tijtë.

Më pas skema ditë pas dite u zbardh.

Në fakt, në faqen zyrtare të “Fara.gov”, gjendeshin të dhëna se si Nik Muzin, një nga lobuesit më të mëdhenj të Shteteve të Bashkuara të Amerikës, kishte raportuar e më pas kishte ndryshuar deklarimet e tij në lidhje me një foto të Lulzim Bashës me Presidentin Donald Trump dhe lobimet që kreu i PD-së, kishte bërë në SHBA.

Amerikanët “ekzekutojnë” politikisht Lulzim Bashën

Nik Muzin

Dokumentet ishin zyrtare, mund të shkarkoheshin elektronikisht.

U publikuan, u zbulua skema, doli kompania “Biniata Trade” dhe historia mori dhenë.

Në këtë ngjarje përfshihej edhe Ekim Alptekin, njeriu që Lulzim Basha i kishte vënë kurorën në dasmë, miku i tij i ngushtë, një nga njerëzit e ngushtë të Presidentit turk Rexhep Taip Erdogan.

Ekim Alptekin dhe Lulzim Basha

Alptekin ishte një njeri i përfshirë në skandale në SHBA dhe kërkohej nga FBI-ja.

Për këtë ai doli në një media publikisht dhe e pranoi, duke deklaruar se nuk dilte dot nga Turqia.

Një tjetër ortak i Ekim Alptekinit, një bashkëpunëor armeno-rus, Lev Aslan, u arrestua.

Biznesmeni Lev Aslan

CNA.al dhe disa media raportuan se skema kalonte nga Biniatta Trade, një kompani, e cila dilte e regjistruar me pronarë rus, një skemë për të paguar 1 milion e 25 mijë euro, që është vlera reale e shpenzimeve që Basha ka bërë në vitin 2017.

Tashmë pas pesë vitesh “BBC”, mediat kryesore botërore, përfshirë këtu edhe “Zërin e Amerikës”, raportojnë se rusët kanë paguar rreth 500 mijë dollarë për Lulzim Bashën, nëpërmjet personave të tjerë për Partinë Demokratike në vitin 2017.

Skema është e qartë, CNA.al e ka raportuar e gjithçka duket se shkon te Lulzim Basha nëpërmjet biznesmenëve rusë.

Shpenzime dhe para të siguruara nga Luli për të ardhur në pushtet, duke përdorur lobimet në SHBA për të fituar kredo politike.

Në fakt, sot e gjithë skema është mjaft e qartë dhe mesa duket amerikanët sot kanë “ekzekutuar” politikisht Lulzim Bashën.

Sot Lulzim Basha është një “kufomë” politike që nuk i vlen më askujt.

Amerikanët “ekzekutojnë” politikisht Lulzim Bashën

Pasi, përtej asaj që ka ndodhur në 2017-ën, sulmeve dhe akuzave, që bëri ndaj kujtdo që shkruante për një të vërtetë të madhe, siç ishte financimi rus për të, tani do t’i duhet të rihapet dosja e të shkojë përpara drejtësisë.

Një dosje të cilën e mbylli me një procedurë pa kryer hetim dhe pa marrë përgjigje nga SHBA-ja.

Sot dosja është gati për t’u rihapur, gjithçka është për t’u hetuar, për t’u sjellë të gjitha dokumentet, të cilat herën e parë nuk u përfshinë në hetim, për t’u bashkuar të dhënat që gjenden te

Departamenti i Drejtësisë në SHBA, deklarimet e Nik Muzin deri tek arrestimet e bëra nga FBI-ja apo miqtë e Lulzim Bashës që janë në kërkim.

Dhe këtë herë ish-kreu demokrat “i ekzekutuar” politikisht nga amerikanët, duket se nuk mund të shpëtojë dot më me procedurë./CNA.al