E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Kur dëbora është si llir Meta

26 Gusht 2022, 16:53, Editorial Elvi FUNDO

Kryetari i Partisë së Lirisë, Ilir Meta

Në një dalje mediatike sot, Ilir Meta, dikur i quajtur Ilir Floriri nga ish-kryeministri Sali Berisha, Ilir Hajduti nga Edi Rama, e kështu me radhë, doli dhe tha se është i bardhë si dëbora.

Në fakt, nuk ka se si të jetë ndryshe, pasi Ilir Meta ngatërron ndoshta ngjyrën e dëborës sepse ka raste që dëbora është si Ilir Meta dhe këto më poshtë janë disa nga ato rastet.

Kur dëbora është si llir Meta

Në janar të këtij viti, disa rajone të Rusisë si ai i Magadan, u mbuluan nga “dëbora e zezë”.

Kur dëbora është si llir Meta

Në mars të vitit 2021, Kiselyovsk i Siberisë u mbulua po ashtu nga “dëbora e zezë”.

Kur dëbora është si llir Meta

Në fillim të nëntorit të 2021-shit, ishulli “La Palma” i Spanjës u mbulua nga “dëbora e zezë”.

Kur dëbora është si llir Meta

Në shkurt të 2019-ës, Kuzbass i Siberisë u mbulua nga “dëbora e zezë”. Edhe në qytetet e Kemerovës, Prokopyevskit, Kiselyovskit dhe Leninsk-Kuznetskyt ra “dëborë e zezë” në mes të shkurtit të këtij viti.

Kur dëbora është si llir Meta

Në janar të 2018-ës në qytetin Temirtau të Kazakistanit ra “dëborë e zezë”.

Patjetër që Ilir Meta është si kjo dëbora që sollëm, sepse është njeriu që u kap me bllok në dorë, historia e 700 mijëshes, eurot që fliteshin për pazar me ish-ministrin Dritan Prifti, u la me një vendim gjykate.

Historia e Kastriot Ismailajt, sms-të me 200 mijë eurot për të blerë vota për zgjedhjet, janë aty, janë ngjarje.

21 janari me 4 viktimat është ngjarje sërish. Tradhtia e Ilir Metës ndaj Pandeli Majkos për të marrë Partinë Socialiste në ’99-ën është aty.

Kur dëbora është si llir Meta

Tradhtia e Ilir Metës ndaj Fatos Nanos është aty dhe ndaj socialistëve në 2005-ën për t’i nxjerrë ata në opozitë.

Tradhtia e Ilir Metës ndaj së majtës është sërish aty, në vitin 2009 kur shkoi në koalicion me Sali Berishën.

Dhe pasi bëri zullumet që përmendëm më lart me blloqe, tendera e korrupsion, tradhtoi dhe Berishën dhe shkoi tek Edi Rama në 2013-ën. Shkoi dhe Rama e zgjodhi President, e më pas u përplas, e tradhtoi sërish Ramën, u zu dhe me Lulin e tani bën sikur është me doktorin.

Kur dëbora është si llir Meta

Kjo është dëbora e Ilir Metës, dëbora e një hajduti me çizme, e një politikani të pabesë, e një njeriu të pamoral në spektrin politik shqiptar, e një njeriu që është kapur gjallë duke vjedhur, që është kapur gjallë live, me video me bllok në dorë, njeriu që po akuzohet se ka qenë spiun sigurimi dhe ka frikë t’i bëjë kërkesë Autoritetit të Dosjeve të hapin të vërtetën e Ilir Metës.

Dëbora si Ilir Meta patjetër, përfshin krime politike, vjedhje votash, zhdukjen e floririt, të mos harrojmë akuzën që ka ngritur ish-kryeministri Sali Berisha, të mos harrojmë vrasjet në Tropojë, të mos harrojmë zgjedhjet e 2001-shit, vjedhjet e kutive të votimit.

Kjo është e bardhë si bora, kjo është dëbora e Ilir Metës, si kjo e zeza që ka rënë në Siberi a gjetkë se dëborë tjetër si e Ilir Metës me këto bëma e gjëma nuk mund të ketë./ CNA.al