Turizëm pa sporte ujore!

5 Gusht 2022, 19:48, Editorial CNA

 Turizëm pa sporte ujore!

Si rrallë herë a thua se Shqipëria është ende në moratorium, një urdhër verbal i Ramës pa asnjë shkresë zyrtare nga policia e shtetit, asnjë dokument, për subjektet që operojnë në fushën e sporteve ujore apo në turizëm, ka zbrazuar detin.
Nuk është çuar zyrtarisht asnjë shkresë tek asnjë institucion apo subjekt, thjeshtë një urdhër verbal i kryeministrit Rama, ka boshatisur nga mjetet ujore detin.   

Nuk ka më gomone, skafe, qoftë private, motora uji e të tjera.

Në cilin vend të botës bëhet turizëm në këtë lloj forme.

Ngjarja ishte tragjike, por përgjegjësi ishte një polic shteti.

Ngjarja ishte tragjike dhe duhen shmangur edhe të tjerat, por jo duke bllokuar totalisht lundrimin, e sportet ujore. Është njësoj si të ndodhin aksidente në rrugë dhe të heqin gjitha makinat nga qarkullimi.

Përgjegjësia është e qartë. Ka ndodhur për shkak se, një mjet nuk ka respektuar hyrjen në një korridor lundrimi. Gjatë gjithë bregdetit të Shqipërisë ka me dhjetra korridore lundrimi. Ka rregulla të qarta, por në këtë rast tek tragjedia që ndodhi në Himarë ka qenë kufiri i vendosur, por nuk ishte ligji që zbatohej por maliqi, ishte polici.

Turizëm pa sporte ujore!

E sezoni ka filluar. 

Jemi në gusht, në kulmin e tij dhe hiqen sported ujore, hiqen skafet, gomonet, motorat private e të tjera. Janë me qindra mijëra euro shpenzime, kosto, një zinxhir shërbimesh që ofrohet për turizmin, por urdhëri verbal i kryeministrit a thua se është pronari i detit i hoqi se ndodhi një tragjedi.

Po, tragjedia ndodhi sepse ai ishte një polic, që shkeli rregullat. Po, tragjedia ndodhi sepse në det prej muajsh nuk lundrojnë personat që paguhen nga taksat e shqiptarëve për të kontrolluar zbatimin e rregullave, për të kontrolluar si vendosen kufizimet detare, ku janë korridoret e hyrjes dhe daljes së motorëve, nuk kontrollohet nga ata që paguhen nga taksapaguesit shqiptarë që të ruajnë vijën, pra të ruajnë pjesën e motorave abuzues, shkelësve të tjerë.

Dhe Rama ka nxjerrë jashtë të gjithë gomonet, skafet dhe gjithçka tjetër, duke kërkuar  një verifikim dhe një check in të tyre dhe gjithçka po bëhet në Porto Palermo ku dy policë, ku njëri nuk ngre dot rripin e tij dhe tjetri vuan nga prostata, mendojnë se do të jenë personat që do të chekojnë dhe të zgjidhin problemin e mbi 100 mjeteve lundruese.

Turizëm pa sporte ujore!

Kudo gjatë bregut, shikon që s’ka më mjete, janë nxjerrë jashtë nga deti , diku të parkuara, të tjera janë çuar në Porto Palermo, presin të bëhet verifikimi.

Një skandal tjetër pas një tragjedie që godet këtë sezon tursitik kaq të ashpër për të cilin Rama pretendon që ishte më i pastër, por ishte me viktima, ishte me më pak njerëz dhe tani nuk ka as sporte ujore, sepse kryeministri ka dhënë urdhër që të mos ketë asnjë mjet lundrues në det, a thua se është pronar i detit, dhe a thua se zgjidhet gjithçka çka ndodhi, kur në fakt përgjegjësia është mbi ministrin e tij të Brendshëm, strukturat në varësi të tij dhe ministren e Turizmit dhe strukturat në varësi të saj.

Përgjegjës është edhe vetë kryeministri, qeveria e tij, askush tjetër, ata që duhet të bëjnë kontrollet, të vendosin standartet dhe të kërkojnë zbatimin e ligjit.

Siç e përmendëm edhe më lart, kur ndodhin aksidente, sipas mentalitetit të kryeministrit Rama, duhet të heqim makinat nga qarkullimi, t’i lëmë rrugët bosh, dhe të mos dalë asnjë makinë në rrugë, sepse kështu i do qejfi të gjatit të qeverisë tonë, i cili mesa duket me urdhra verbal, pa lëshuar asnjë dokument zyrtar, sepse në këtë rast do të kishte humbur çdo gjyq përballë çdo gjykate, pasi ka dhënë vetë licenca autorizime dhe ka marrë taksa dhe ka mbushur akrën e shtetit.

Turizëm pa sporte ujore!

Me dhjetëra subjekte, të cilat kanë kryer pagesat e tyre, për tu licensuar, për të marrë gomone, skafe, për të bërë udhëtime turistike apo për të bërë edhe shëtitje me motora uji , të cilat tashmë janë hequr thjesht dhe vetëm pas një tragjedie për të cilën përgjegjës është shteti, qeveria e kryeminstrit Rama, sepse personi ishte një polic me unifromë, me pistoletë në brez që shkeli kufirin e vendosur, ku hynin mjetet lundruese .

Dhe në këtë rast kemi të bëjmë me përgjëgjesi shtetëore, qeveritare dhe zgjidhja është një urdhër verbal: nxirrni çdo mjet lundrues nga deti.

Kjo është thjesht dhe vetëm një çmenduri e radhës, me kosto qindra mijëra euro për turizmin dhe aspak një zgjidhje për problematikën që ndodhi në lidhje me pasigurinë që kanë qytetarët që notojnë në det për shkak të mos respektimit të zonave kufizuese të lundrimit./CNA.al
 
 

Turizëm pa sporte ujore!Turizëm pa sporte ujore!Turizëm pa sporte ujore!Turizëm pa sporte ujore!

 

 

Turizëm pa sporte ujore!

 

 

 

 

 

Lajmet e fundit nga