web counter
LEXO PA REKLAMA!

SHKARKO APP

App Store
Google Play

Meta “qan hallet” në Jalë/ Dobësohet nga dosja e spiunit?!

22 Gusht 2022, 21:40, Politikë CNA
Meta “qan hallet” në Jalë/ Dobësohet nga dosja e
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka humbur 7-8 kilogramë që nga momenti që dorëzoi mandatin e Presidentit.

Lajmin e ka bërë të ditur vetë Meta gjatë fjalës së tij në hapjen e kampit veror të të rinjve të PL-së, në Jalë.

Meta tha se është në një garë ku mund të vendosen rekorde të reja dhe për momentin ndodhet në malore.

“Që nga 25 korriku kam rënë 7-8 kile, kështu po të bëjmë garë mund të vendosim rekorde të reja. Jemi nisur për malore dhe para jush është një njeri që ka bërë gjatë këtyre 5 viteve që bënit Jalën ka ngjitur Jezercën, do bëj edhe Malin e Çikës. Ka disa parime, dhe parimi i parë është që po nuk u stërvite në kodra nuk ngjitesh dot në male, jam i sigurt që bashkë do të arrijmë atë qëllim që ka Partia e Lirisë që nga 25 korriku.

Rinia është një pengesë e pakalueshme për regjimet autoritare që synon mbijetosën përmes frikës, korrupsionin, presionit, sepse ëndrrat e të rinjve janë sfidë që ata nuk përballen dot, ndaj kanë shpresuar se me largimin e të rinjve do realizojnë projektet e tyre grabitqare”, theksoi ish-presidenti.

Ndërkohë, kujtojmë se më 26 korrik, dy ditë pasi Meta dorëzoi mandatin e Presidentit, u bë publike një kërkesë e Autoritetit të Dosjeve ndaj Kuvendit, ku zbulohej se një politikan i lartë me iniciale I.M. ka qenë bashkëpunëtor i Sigurimit të shtetit.

Lidhur me këtë dosje, kreu i PL-së ka hedhur një sërë akuzash dhe e ka cilësuar si të manipuluar dhe falsifikuar për shantazh publik ndaj tij.

Ish-presidenti ka kërcënuar Autoritetin e Dosjeve me padi, ndonëse nuk i ka kërkuar këtij institucioni që të hapë dosjen e tij dhe të bëjë publike historinë e spiunit të Sigurimit./ B.A. - CNA.al





Lajmet e fundit nga