web counter
LEXO PA REKLAMA!

SHKARKO APP

App Store
Google Play

Meta, në panik/ Nuk i ndahet Autoritetit të Dosjeve: Kanë funksionuar si grup i strukturuar kriminal

22 Gusht 2022, 13:37, Politikë CNA
Meta, në panik/ Nuk i ndahet Autoritetit të Dosjeve: Kanë
Kreu i PL, Ilir Meta

Kreu i Partisë së Lirisë, Ilir Meta, është shfaqur në panik sot, ku gjatë një deklarate për mediat, ka bërë me dije se do të padisë Autoritetin e Dosjeve në datën 1 shtator, për falsifikim dhe manipulim të qëllimshëm.

Meta nuk ka ndalur me akuzat duke thënë se kanë funskionuar si një grup i strukturuar kriminal.

Ish-Presidenti përsëriti edhe një herë në deklaratën e tij se “Nuk ka dhe nuk ka pasur asnjëherë dosje për Ilir Rexhep Metajn”.

 “Emrat i ka nxjerrë autoriteti i dosjeve për manipulim dhe qëllime shantazhi, sepse kanë qenë materiale që duhet të ishin të klasifikuara.

Jam njohur plotësisht me dosjen e përndjekjes së F.T. nga Sigurimi, nuk ka ekzistuar asnjë dosje për mua dhe kot bëhen qesharakë kur duhet të merren me inceneratorë, dhe merren nëse kam ndryshuar apo jo gjeneralitetet.

Është e qartë siç është edhe qytetari F.T., për falsifikimet në dosjet e tij, për të cilat ka marrë edhe rrugën ligjore, është çështje me të cilën do të njiheni edhe ju kur të bëhet kallëzimi penal siç kanë funksionuar ata si grup i strukturuar kriminal, për të përfshirë pres e republikës.

E di se përse e ka bërë dhe ju e dini për shkak të veprimeve plot integritet të presidentit dhe mbrojtjes së interesave të kombit tonë.

Këto përralla e lojëra nuk funksionojnë me Metën e jo më ti funksionojnë këtij që më nxjerr tao taon e larva, bashkëpunëtori mund të dalë edhe tao tao, në shërbim të atij që i ofron një tender. Absolutisht ky rast i Autoriteti do të jetë një rast ekzemplar edhe në Europë se si keqpërdoret në mënyrë kriminale një autoritet që duhet të jetë shembull për respektimin e ligjit.

Rama nuk e blen opozitën e nuk e trukon dot më ndeshjen që më parë”, tha Meta./ CNA.al





Lajmet e fundit nga