web counter
LEXO PA REKLAMA!

SHKARKO APP

App Store
Google Play

E fundit!

x

“Do të marrë pjesën e tij nga klanet kriminale”/ Meta paralajmëron Ramën: Do të përgjigjesh deri më një!

19 Gusht 2022, 14:01, Politikë CNA
 
“Do të marrë pjesën e tij nga klanet kriminale”/ Meta
Ilir Meta

Kreu i Partisë së Lirisë, Ilir Meta, ka hedhur akuza të forta në drejtim të kryeministrit Edi Rama, ku theksoi se ky i fundit do të marrë pjesën e tij të lekëve nga klanet kriminale që duan të pastrojnë paratë, duke investuar në Shqipëri.

Po ashtu ai pohoi se çdo para që ka dalë jashtë vendit, me të cilën është abuzuar, do të hyjë sërish në vend.

“Meqë ambasadori e mbylli me çështjen e lëvizjes së lirë, kjo çështja e pasaportave të arta është sipas konceptit të tij për 'Ballkanin e Hapur'. Ky është ogiç i atij tjetrit. Kjo është në kurriz të interesit kombëtar, të interesit drejt BE-së. Kjo është tentativë e hershme që e kam kundërshtuar shumë qartë prej kohësh dhe në detyrën e presidentit të republikës. Ai është në proces largimi dhe përpiqet që të përfitojë për klanin e tij. Kjo është nismë për të bërë marrëveshje me persona që kanë para dhe dëshiron që t’i pastrojnë ato. Do të marrë pjesën e tij. Siç është nisma e portit të Durrësit, e cila thyen marrëveshjen e stabilizim-asociimin. Siç ka nisur dhe tenderat me kosto nga 26 mln metri katror. Ky nuk do fondet europiane pasi ato kanë standarde me integritet. Ato kanë procedurat e konkurrimit. Ky tenton që të fusë shqiptarët që të marrin sa më shumë borxhe. Përveç përfitimeve nga kartela e shëndetit që ia shpreson. Ai do të përgjigjet për gjithçka deri në një. Jo vetëm ai po dhe ata që kanë abuzuar. Lekët do të vijnë në Shqipëri, do të riatdhesohen në shërbim të popullit të Shqipërisë”, pohoi ai./CNA.al

 





Lajmet e fundit nga