web counter
LEXO PA REKLAMA!

SHKARKO APP

App Store
Google Play

Afera e "Portit të Durrësit"/ Berisha, mesazh të qartë Ramës: Kërkon të fitojë miliarda, por nuk do ta gëzojë

19 Gusht 2022, 13:04, Politikë CNA
Afera e "Portit të Durrësit"/ Berisha, mesazh të
Sali Berisha

Kreu i PD-së, Sali Berisha, gjatë konferencës për mediat, është ndalur dhe te Porti i Durrësit, duke e cilësuar si një abuzim dhe vjedhje e madhe.

Ai tha se bëhet fjalë për miliarda fitime, duke hedhur akuza ndaj kryeministrit Edi Rama.

“Janë që të gjitha një abuzim i madh, një vjedhje e madhe. Në një takim para kësaj unë kam shprehur se afera e Portit të Durrësit është një aferë që vetëm toka është mbi 3 miliardë euro, pa llogaritur sipërfaqen e ndërtimit mbi të.

Edi Rama e ka ndërmarrë kryekëput për xhepat e tij, një aferë për të cilën nuk është pyetur asnjë qytetar i Durrësit, janë shkelur rregullat kombëtare dhe ndërkombëtare për tenderat.

Një aferë që nuk do të mund të realizohet, një aferë që gjobit Shqipërinë me ndërtimin ndoshta 2 miliardë euro të një porti të ri se do zoti Rama me enturazhin e tij të ndërtojë Dubain e vet. Pra, ajo është afera më skandaloze në historinë e këtij vendi dhe ne po merremi, po e ndjekim çdo ditë, por aferë… mund t’ju rikujtoj këtu se ndoshta për Velierën famoze e filluar në 2016 dhe s’po përfundon, Edi Rama bëri një takim dhe paraqiti një projekt 3D, ju s’keni parë kund takim publik për Portin e Durrësit. Nëse te Veliera fitimi është disa milionë, te Porti i Durrësit fitimi është disa miliarda por ai nuk do të mund ta gëzojë”, u shpreh Berisha./CNA.al

 





Lajmet e fundit nga