web counter
LEXO PA REKLAMA!

SHKARKO APP

App Store
Google Play

Mbi 30 vite në poste shtetërore/ Meta tenton të fshehë bëmat dhe skandalet e tij me kërcënime

17 Gusht 2022, 12:28, Politikë CNA

Mbi 30 vite në poste shtetërore/ Meta tenton të fshehë

Kryetari i Partisë së Lirisë, Ilir Meta, i është rikthyer gjuhës që përdori në zgjedhjet 25 prillit 2021.

Meta kërkon revolucion, pasi sipas tij kështu ulen çmimet dhe rrëzohet Edi Rama.

“Ne do të bëjmë çdo gjë. Çmimet do të bien kur populli të ngrihet. Dhe populli do të ngrihet. Askush nuk ka pse të shqetësohet nga konferencat dhe denoncimet. Çdo denoncim është bërë me fakte, me prova dhe jo për qëllime politike. Është në interes të lartë të qytetarëve. Do të vazhdojmë çdo ditë, jo vetëm të bëjmë denoncime. Ora e shtetit po vjen, e ligjit po vjen”, është shprehur Meta.

Më tej ai ka pralajmëruar se në javët e ardhshme do të ketë denoncime në përmasa spektakolare.

“Denoncimet do të vazhdojnë. Përmasa spektakolare në javët që vjen. Aksioni vjen më i fuqishëm. Dara do t'i shtrëngohet çdo ditë. 10 vjet vjedhje, grabitje, koncesione, një fukarallëk i jashtëzakonshëm, poshtërim që u bëhet qytetarëve, janë shumë më tepër se mjaft”, deklaroi Meta, duke harruar se këto dhjetë vite, ka nga ato vite kur ai ka qeverisuar me Ramën, madje në 2017 u bë President prej tij.

Madje ka mbi 30 vite që Ilir Meta ka mbajtur të gjitha postet e mundshme shtetërore dhe nuk ka dhënë llogari për asnjë skandal./CNA.al





Lajmet e fundit nga