E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

Kriza demografike në arsim/ Xhixho: Të rinjtë e shohin largimin si dritën e vetme në fund të tunelit

16 Gusht 2022, 12:01, Politikë CNA

Deputetja e Partisë së Lirisë, Erisa Xhixho, ka reaguar lidhur me të dhënat e fundit ku thuhet se ka një rënie të ndjeshme të numrit të të të sapodiplomuarve që aplikuan për të ndjekur studimet e larta.

Nga rreth 25 mijë maturantë 4 vite më parë, numri i të sapodiplomuarve që aplikuan për të ndjekur studimet e larta pas mbylljes së procesit të përzgjedhjes së degëve në formularin A2 përllogaritet në rreth 21 mijë.

Sipas Xhixhos dështimi në arsim po sjell një hemorragji që vështirë të rikuperohet.

Ajo thekson se në një vend ku korrupsioni dhe abuzimi hapur me pushtetin, të rinjtë shohin largimin si dritën e vetme në fund të tunelit.

Xhixho e mbyll postimin e saj duke shkruar se Partia e Lirisë ka detyrim t’u kthejë të rinjve shpresën, përmes mbështetjes së arsimit dhe jo tkurrjes së buxhetit të tij vit pas viti.

Postimi i plotë i Erisa Xhixhos:

Të rinjtë po ikin sepse për ta, jeta në këtë vend është bërë e pamundur.

Dështimi në arsim po sjell Shqipërisë një hemorragji që vështirë të rikuperohet.

Përtej statistikave zyrtare dhe historive që përditë dëgjojmë për largimin e fëmijëve të kolegëve dhe miqve, dramën e ikjes së të rinjve e konfirmon rënia drastike e numrit të maturantëve që aplikojnë për studimet e larta në Shqipëri.

[????] 4 mijë maturantë më pak aplikuan në universitetet tona pas mbylljes së procesit të përzgjedhjes të degëve në formularin A2, nga rreth 25 mijë maturantë 4 vite më parë.

Pa shpresë për të ardhmen, në një vend ku korrupsioni dhe abuzimi hapur me pushtetin, të rinjtë shohin largimin si dritën e vetme në fund të tunelit.

[??] Nuk mund të kesh dëshirë të ndërtosh jetën në një vend ku prindërit e tu rropaten për mbijetesë, ndërsa grupe mafioze me bekimin e qeverisë “djegin” paratë e taksave të tyre përmes skemave si ajo e inceneratorëve.

[??] Nuk mund të duash ta ndërtosh të ardhmen në një vend ku të rrezikohet jeta edhe teksa pushon me familjen në breg të detit, ku nuk i lejon dot vetes një javë pushime, edhe pse ke punuar gjithë vitin.

[??] Nuk mund të zgjedhësh të ndërtosh një jetë dinjitoze në një vend ku i varfri penalizohet se nuk pagoi një muaj energji, e ku atij që mezi siguron bukën i përdoret emri për të qarkulluar miliona euro, të cilat përfundojnë në xhepat e bashkëpunëtorëve të Ramës.

Një vend pa rini, është një vend pa të ardhme.

Kemi detyrimin t’u kthejmë të rinjve shpresën, përmes mbështetjes së arsimit dhe jo tkurrjes së buxhetit të tij vit pas viti, përmes mundësive për punësim dhe jo mbylljes së mbylljes së derës në fytyrë!/CNA.al