web counter
LEXO PA REKLAMA!

SHKARKO APP

App Store
Google Play

Meta “shfrenon” imagjinatën/ “Shqiptarët do të zëvendësohen me të pasur nga bota”

15 Gusht 2022, 13:08, Politikë CNA

Meta “shfrenon” imagjinatën/ “Shqiptarët do të

Kreu i PL-së, Ilir Meta, ka deklaruar se qëllimi i Ramës dhe i qeverisë së tij është që të përzërë shqiptarët nga vendi.

Meta e ka shfrenuar më tej imagjinatën, ndërsa ka deklaruar se Rama ka nisur një aventurë për të sjellë të pasur në Shqipëri që të bëjë pazare me ta.

Por sipas tij këto skenare nuk do t’i funksionojnë.

“Nëse do të merremi me skandalet që prodhon kjo qeveri, merremi. Por kjo është dëshira edhe e kësaj qeverie. Të zhvendosim vëmendjen nga prioritetet më të mëdha të vendit tonë, të shoqërisë tonë. Kjo është aventurë e shpallur, që të ikin shqiptarët dhe të vijnë ata nga Bangladeshi. Dhe këta do t'i mbajmë 1 vit, sa të mësojnë shqipen, se pastaj po e mësuan do t'i largojmë. Edhe kjo është në vazhdën e kësaj logjike. Që të sjellim nga e gjithë bota njerëz të pasur, të ikin shqiptarët, të bëjmë pazare me ta dhe ata të bëjnë pronat e shqiptarëve, të kthehen në shërbëtor. Këta janë skenarë që nuk do të funksionojnë. Siç është çështja e Pallatit të Brigadave. Ata do të kujdesen që Pallati i Brigadave të ketë më gjelbërim, por jo jo. Edhe aty e kanë mendjen te kullat dhe metrat katrorë. Nisi me 20% në Tiranë dhe po kalon me qindra për qind”, tha Meta./CNA.al





Lajmet e fundit nga