web counter
LEXO PA REKLAMA!

SHKARKO APP

App Store
Google Play

E fundit!

x

Video/ “Çuni i pazarit” që thurte elozhe për “lalin”/ Ditët kur Meta mbështeste Veliajn

13 Gusht 2022, 09:24, Politikë CNA

Video/ “Çuni i pazarit” që thurte elozhe për

Ilir Meta nën siglën e Partisë së Lirisë, ka nisur sulme të ashpra ndaj kryebashkiakut të Tiranës, Erion Veliaj.

Edhe ky i fundit i është kundërpërgjigjur me të njëjtën monedhë.

Këtë dyshe “dashuri dhe urrejtje” që vitet e fundit i shohim duke sulmuar njëri-tjetrin, i kemi parë edhe në krah të njëri-tjetrit, duke folur me elozhe.

Kujtojmë këtu vitin 2017 kur Ilir Meta ishte kryetar i Kuvendit dhe kreu i LSI-së, që me plot dashuri shoqëronte Erion Veliajn.

Në prill të  2017-ës, Erion Veliaj dukej se ishte personi brenda PS-së me të cilin Ilir Meta kishte gjetur më së miri gjuhën e përbashkët.

Gjatë inagurimit të fillimit të punimeve për ndërtimin e një rruge në Zall Herr, Meta i ka  folur me elozhe për punën e kryebashkiakut të Tiranës.

Madje ai e ka e vlerësuar edhe për bashkëpunimin me këshilltarët e LSI-së.

“Uroj kryetarin që tregon një kulturë demokratike që është e rrallë në vendin tonë. Po mund të ketë patur ndonjë dyshim a do punojë Erioni? Unë besoj që puna që ka bërë Erioni gjatë këtyre dy viteve ka qenë një punë e ndjeshme në të gjithë Tiranën, e padiskutueshme, por jam shumë i gëzuar për punën që po bën për integrimin e të gjithë këtyre njësive në bashkinë e re të Tiranës. Kjo i jep fund diskriminimit dhe mungesës së vëmendjes. Unë do të doja që të gjithë kryetarët e bashkive të punojnë në këtë mënyrë. Ky koalicioni i Tiranës mendoj se po punon shumë mirë. Dua ta falenderojë Erionin për këtë frymë bashkëpunimi që ka”, është  shprehur Meta.

Më poshtë po ju sjellim fotot dhe videot nga dyshja Meta-Veliaj në Zall Herr, në vitin 2017./CNA.al





Lajmet e fundit nga