web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri i skandaleve merr post në PL-në e Metës/ Me dosje korrupsioni te Krimet e Rënda

11 Gusht 2022, 12:52, Politikë CNA

Ish-ministri i skandaleve merr post në PL-në e Metës/ Me dosje

Partia e Lirisë ose e Lekëve të Likes, që drejtohet nga vetë Ilir Meta ka rikthyer në gjirin e saj, të dështuarit dhe korruptuarit e politikës, që ndër vite janë akuzuar për abuzime me detyrën apo edhe për pasuri të dyshimtë.

Një prej këtyre është Edmond Haxhinasto i prezantuar nga Meta si koordinator i PL-së për Programin Politik.

Edmond Haxhinasto ish-Ministri i Transporteve është njeriu i vënë nën hetim nga Krimet e Rënda në vitin 2018, me dyshimin për korrupsion në lidhje me ndërtimin e rrugës Tiranë–Elbasan duke i shkaktuar shtetit një dëm prej të paktën 50 milionë euro.

Ish-ministri i skandaleve merr post në PL-në e Metës/ Me dosje

Kujtojmë se për këtë dosje krimet e rënda kanë nxjerrë 3 masa arresti për ish-drejtorin e rrugëve Dashamir Xhika dhe dy ish-zyrtarë, Albens Alite dhe Aksel Qurduka.

Të tre ish-zyrtarët dyshohen për korrupsion dhe shpërdorim detyre me fondet dhe projektet për rrugën Tiranë-Elbasan, me një dëm që prokuroria e përllogarit në 80 milionë euro.

Krimet e Rënda kishin në duar edhe kallëzimin e KLSH-së të vitit 2016 për keqmenaxhim të projektit dhe për mosmarrje masash nga ministria e Transporteve.

Për rrugën Tiranë-Elbasan janë depozituar dy kallëzime në prokurori, më i fundit i dorëzuar nga ministri Damian Gjiknuri më 12 dhjetor 2017, bazuar në një audit të brendshëm. Nga ky audit u evidentua një dëm prej 54 milionë dollarë.

SPAK ende ska hetuar vilën 2 milionë euroshe të Haxhinastos në Gjirin e Lalzit, denoncuar vite më parë nga CNA.al.

Hetimi duket se nuk ka shkuar shumë larg, SPAK ka bërë sehir skandalet dhe sot Haxhinasto shfaqet te PL-ja./CNA.al





Lajmet e fundit nga