web counter
LEXO PA REKLAMA!

SHKARKO APP

App Store
Google Play

Propozimi i Berishës/ Një lëndë e veçantë në shkolla për krimet e komunizmit

10 Gusht 2022, 22:36, Politikë CNA
Propozimi i Berishës/ Një lëndë e veçantë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka bërë një propozim, teksa ka folur për krimet e komunizmit dhe varjen e poetit Havzi Nela.

Berisha tha në një tryezë për kujtimin e Havzi Nelës se duhet një lëndë e veçantë në shkolla për të njohur krimet e komunizmit.

Sipas tij, kjo gjë është e domosdoshme në sistemin e edukimit, në qoftë se ne duam të edukohemi.

“Ju falënderoj për problemet që ngritët që janë shumë të rëndësishme. Nuk janë të rëndësishme vetëm në raport me Havzi Nelën, Vilson Blloshmin, Genc Lekën, Fadil Kokomanin, Qirjako Lezhën, Trifon Xhikën, por janë të një rëndësie kapitale për identitetin, kulturën tonë kombëtare, të sotmen dhe të ardhmen tonë. Kemi të bëjmë me një raport themelor për çdo popull. Ky është raporti me të vërtetën.

Kombet që këtë raport e kanë pasur më të përafërt kanë njohur dritë dhe zhvillim, ndërsa kombet tjera për fat të keq, kanë përsëritur qëndrime të gabuara dhe gabime për të cilat, Pashko Vasa shkruante dikur; E mjera Shqipëri, Vilson Blloshmi; Saharanë dhe më vonë Havzi Nela; Eni të vajtojmë Shqipërinë.

Mes këtyre krijimeve në pamje janë kushtrime, të shpirtrave të madhej poetikë, por janë edhe një dëshmi nga e cila shqiptarët duhet të nxjerrin mësime. Janë tre dekada. E vërteta është se në rast se ka një problem që nuk ka marrë dimensionet që duhet të marrë në interesin më të mirë kombëtar është problemi ndaj qëndrimit ndaj të shkuarës komuniste.

Është problemi i ridemsionimit të kësaj trashëgimnie, e cila në realitet përbën një detyrim madhor tonin, me kërkesën shumë legjitime që shtruat, por edhe një lëndë e veçantë për të shkuarën tonë, krimet e diktaturës është e domosdo-oshme në sistemin e edukimit në qoftë se ne duam të edukohemi”, deklaroi kreu i PD-së./ B.A. – CNA.al





Lajmet e fundit nga