web counter
LEXO PA REKLAMA!

SHKARKO APP

App Store
Google Play

Berisha, me ekspertët e energjetikës/ “Rama rrit çmimet, kërcënon e terrorizon qytetarët”

9 Gusht 2022, 19:30, Politikë CNA
Berisha, me ekspertët e energjetikës/ “Rama rrit çmimet,
Sali Berisha

Kryetari i Partisë Demokratike, Sali Berisha, ka nisur një takim me ekspertë të fushës së energjetikës dhe hidrokarbureve.

Gjatë fjalës, kreu i PD-së tha se kryeministri Edi Rama po e përdor energjinë si mjet terrori dhe po kërcënon qytetarët.

"Nafta është bërë një ‘shpatë demokleu’ në qafën e shqiptarëve. Energjia po keqpërdoret, jo vetëm në një skemë të papërmbajtur vjedhjeje, nafta dhe energjia elektrike. Nuk ka logjikë në botë që të pranojë që në Shqipëri nafta të shitet me 3-fishin e çmimit të bursës, ndërkohë më përpara është shitur me dyfishin e çmimit. Sot ajo shitet 3 pikë sa herë më shumë. Nuk ka logjikë ekonomike që të pretendohet se, do të ndërpresim energjinë, në vitet më të lagëta të vendit, që 99.9% të energjisë elektrike e ka nga uji.

Të vendit që ka prodhuar falë burimeve të reja, 9 terravat nga 7 që konsumon në total. Rritja e çmimit për bizneset, shkatërrimtare. Dalja në treg e sektorit energjetik shqiptar është kryekëput e bazuar në vjedhje. Shqiptarët duhet ta dinë se kjo qeveri, me dokumente, ka blerë energji me 250 euro megavatin, në një kohë kur në bursë shitej me 80-82 euro. Duhet ta dinë se blejnë energji me 520 euro, kur në bursë shitet me 410 euro. Blejnë energji çdo 2 ditë dhe nuk bëjnë një tender dhe një kryeministër që terrorizon qytetarët dhe u thotë se, por nuk u gjet energji në treg do e ndërpresim. Do e ndërpresë dhe do thotë nuk u gjet. E konsideron si mjet terrori,"- thotë Berisha./CNA.al





Lajmet e fundit nga