Nga 2 Marsi tek akuzat ndaj Ramës/ Meta përsërit vetveten

5 Gusht 2022, 20:23, Politikë CNA
Nga 2 Marsi tek akuzat ndaj Ramës/ Meta përsërit vetveten
Kreu i PL, Ilir Meta

Kreu i Partisë së Lirisë, Ilir Meta, përsërit veten thuajse në çdo deklaratë për mediat. I ftuar në MCN TV, nuk ndalet me akuzat, duke quajtur kryeministrin Edi Rama një kryeoligark që ka vjedhur shqiptarët.

Gjithashtu përmend 2 Marsin, duke u shprehur se është koha për referendum dhe se sovrani duhet të marrë në dorë fatet e veta.

"Qeveria është kthyer në instrument të krimit dhe oligarkëve për të shtypur dhe vjedhur shqiptarët. Kryeoligarku është Edi Rama. Partia e Lirisë u themelua në sheshin e 2 Marsit, e motivuar nga fryma liridashëse, patriotike, atdhetare dhe ultra demokratike. Nismë ligjore në Kuvend për referendumin, koha që sovrani të marrë në dorë fatet e veta. Partia e Lirisë çdo ditë do të ndezë shpresën dhe flakën e lirisë në zemrën e çdo shqiptari. Korrupsioni është armiku më i madh i lirisë. Lufta kundër korrupsionit do na ndihmojë të luftojmë edhe varfërinë", ka thënë Meta. 

Ndër të tjera, ai bën përgjegjës Ramën, duke thënë se është vonuesi kryesor për çeljen e negociatave për anëtarësimin e Shqipërisë në BE./ CNA.al

Lajmet e fundit nga