web counter
LEXO PA REKLAMA!

SHKARKO APP

App Store
Google Play

Zbardhet propozimi i KQZ-së/ Hapat që duhet të ndjekë një emigrant që do të votojë

3 Gusht 2022, 10:20, Politikë CNA

Zbardhet propozimi i KQZ-së/ Hapat që duhet të ndjekë

“Çdo shtetas shqiptar me të drejtë vote, me vendbanim jashtë territorit të Republikës së Shqipërisë për një periudhë më të gjatë se tre muaj pa ndërprerje ose për një periudhë më të gjatë se gjashtë muaj, në një vit kalendarik sipas parashikimeve në dispozitat e Ligjit Nr. 14/2016 'Për identifikimin dhe regjistrimin e adresës së shtetasve shqiptarë që jetojnë jashtë territorit të republikës së shqipërisë', nga këtu e në vijim në këtë vendim i referuar si 'votues nga jashtë' ka të drejtë të votojë atje ku ai ka vendbanimin e tij, pasi të ketë shprehur vullnetin për të votuar, sipas rregullave të përcaktuara në këtë vendim".

Ky është propozimi i Komisionit Qendror të Zgjedhjeve për emigrantët shqiptarë që duan të votojnë.

Sipas propozimit nga KQZ-ja, emigrantët shqiptarë që dëshirojnë të votojnë duhet të paraqesin paraprakisht një kërkesë ku të deklarojnë se do të marrin pjesë në votim, jo më vonë se 15 ditë që nga shpallja e datës së zgjedhjeve nga ana e kreut të shtetit.

Kërkesa do të bëhet në Komisionin Qendror të Zgjedhjeve në faqen e internetit ose edhe nëpërmjet aplikacionit zyrtar të KQZ-së.

Sipas propozimit, emigrantët do të duhet të plotësojnë një formular me të dhënat e tyre personale./CNA.al





Lajmet e fundit nga