E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Afera e inceneratorëve/ PD, 5 pyetje për qeverinë: Pse u kaluan 2 miliardë lekë në llogaritë e Zotos dhe Gugalles

2 Gusht 2022, 12:43, Politikë CNA

Afera e inceneratorëve/ PD, 5 pyetje për qeverinë: Pse u kaluan 2

Anëtari i Këshillit Kombëtar, Jamarbër Malltezi

Anëtari i Këshillit Kombëtar, Jamarbër Malltezi, në një deklaratë për mediat i ka drejtuar 5 pyetje qeverisë në lidhje me aferën e inceneratorëve.

Malltezi ka bërë me dije se, një ditë më parë në llogarinë e Klodian Zotos dhe Stela Gugalles, janë shtuar miliona lekë.

“Lobohet shumë për ta varrosur aferën e inceneratorëve, që ka gëlltitur qindra miliona euro, dhe vazhdon t’u marrë qytetarëve shqiptarë miliona të tjera, siç do ta dëshmojmë tani.

Publiku e meriton dhe duhet ta dijë, se në Partinë Demokratike është kthyer opozitarizmi pa kompromise dhe me kohë të plotë.

Për këtë arsye, unë ose ekspertë të tjerë të mjedisit, ligjit, antikorrupsionit apo eksponentë të Partisë Demokratike, duke filluar që sot, do të dalim çdo ditë në këtë foltore për të bërë “pesë pyetje për inceneratorët”.

E fillojmë me një fakt tronditës për ne dhe një vjedhje rutinë për ata:

Klodian Zoto & Stela Gugallja përfituan dje në kontot e tyre bankare, 3 herë brenda ditës nga 627 milion lekë nga Belinda Balluku. Para dy ditesh ishte Erion Veliaj që i ‘qerasi’ me 878 milionë lekë.

Ja edhe pesë pyetje të thjeshta:

1. Pse, pavarësisht faktit se Inceneratori i Fierit nuk funksionon, Edi Rama dhe Belinda Balluku derdhën dje, me 1 Gusht 2022, 3 herë nga 627 milion lekë në kontot e Zotos dhe Gugalljes?

2. Pse, edhe kur ka një urdhër arresti ndërkombëtar, si për Zoton dhe Gugalljan, në llogaritë e tyre vazhdojnë të derdhen qindra miliona lekë?

3.Pse, pavarësisht faktit se Inceneratori i Tiranës është imagjinar, ende nuk i janë hedhur as themelet, Erion Veliaj çon 878 milionë lekë në kontot e Zotos dhe Gugalljas?

4. Pse SPAK nuk sekuestron produktet e korrupsionit të Edi Ramës?

5. Pse, kur na thuhet se nuk ka lekë për të kompensuar rritjen e cmimeve për shtresat në nevojë; nuk ka lekë për të pastrehët nga tërmeti; nuk ka lekë për të kompensuar rritjen e cmimit të naftës dhe ushqimeve; paska qindra miliona lekë për partnerët e Edi Ramës, si Klodian Zoto e Stela Gugallja, me urdhër arresti ndërkombëtar?

Këto janë pyetje shumë të thjeshta për shqiptarët, por shuuumë të vështira për drejtësinë e kapur nga Edi Rama.

Ne kemi një përfundim: të gjitha këto ndodhin SEPSE ATA I NDAJNE PARATE SE BASHKU. Të dashur shqiptarë, ju si mendoni?”, ka thënë në deklaratën e tij Jamarbër Malltezi./ A.E-CNA.al