Tensionet në veri të Kosovës/ Meta, thirrje për shmangien e provokimeve

31 Korrik 2022, 22:50, Politikë CNA
Tensionet në veri të Kosovës/ Meta, thirrje për shmangien e
Ish-presidenti Ilir Meta

Ish-presidenti Ilir Meta ka reaguar për tensionet në veri të Kosovës, ku janë bllokuar pikat kufitare me Serbinë.

Me anë të një statusi në rrjetet sociale, Meta mbështet Kosovën për vendimin e tagrave dhe dënon sulmet, ndërsa bën thirrje për shmangien e çdo provokimi dhe përshkallëzimi të tensioneve.

“Mbështet plotësisht vullnetin e institucioneve të Republikës së Kosovës për vendosjen e ligjshmërisë në të gjithë territorin dhe dënoj me forcë çdo sulm ndaj Policisë dhe forcave të sigurisë në ushtrimin e misionit dhe detyrës së tyre ligjore dhe kushtetuese.

Bëj thirrje për shmangien e çdo provokimi dhe përshkallëzimi të tensioneve, që minojnë sigurinë e Kosovës, paqen dhe stabilitetin në rajon, duke theksuar se vendosja e reciprocitetit është e drejtë e çdo shteti Sovran”, shkruan Meta./ B.A. – CNA.al

Lajmet e fundit nga