web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria, shtet artificial”/ Spaho “kërkon llogari” për arkeologun britanik që do të menaxhojë Butrintin

30 Korrik 2022, 19:06, Politikë CNA
“Shqipëria, shtet artificial”/ Spaho “kërkon
Deputeti i Partisë Demokratike, Edmond Spaho

Deputeti i Partisë Demokratike, Edmond Spaho, ka reaguar për videon e Richard Hodges, kreut të Fondacionit që do të menaxhojë Butrintin, i cili e ka quajtur Shqipërinë gjatë një leksioni para studentëve, “shtet artificial”.

Spaho u kërkon llogari mediave, analistëve, gazetarëve dhe intelektualëve që nuk bëjnë debat për deklaratën e arkeologut britanik.

Ai shtron pyetjen se si është e mundur që Ministria e Kulturës dhe Fondacioni Shqiptaro-Amerikan vunë Hodges në krye të Butrintit, që e ka cilësuar si tokë greke.

Me anë të një statusi në rrjetet sociale, deputeti deklaron se nuk ka video më të turpshme për Shqipërinë dhe shqiptarët.

“Si është e mundur që asnjë stacion televiziv nuk bën debat për videon e antishqiptarit Hodges, të cilin e kemi emëruar Drejtor të Fondacionit të Butrintit? Hodges që thotë Butrinti dhe Saranda janë tokë greke dhe Shqipëria është krijesë artificiale. Si është e mundur që Ministria e Kulturës dhe Fondacioni Shqiptaro-Amerikan vënë këtë zuzar në krye të pasurisë më të madhe që kemi dhe që Hodges thotë që i takon Greqisë dhe se me të do rishkruajë historinë e Mesdheut???!!! Si është e mundur që asnjë analist, gazetar, intelektual nuk e hap këtë temë? Nuk ka video më të turpshme për Shqipërinë dhe shqiptarët. Në çdo vend, përfshirë edhe Afrikën do përbënte skandal të madh politik”, shkruan Spaho krahas videos së arkeologut./ B.A. – CNA.al





Lajmet e fundit nga