LEXO PA REKLAMA!

SHKARKO APP

E fundit!

x

Negociatat/ Rama: T’i tregojmë Brukselit seriozitetin dhe cilësinë e punës sonë

30 Korrik 2022, 10:44, Politikë CNA

Negociatat/ Rama: T’i tregojmë Brukselit seriozitetin dhe

Kryeministri Edi Rama në një konferencë për shtyp me ekipin e negociatorëve, ka vlerësuar punën e kryenegociatorit të shkarkuar, ambasadorit Zef Mazi.

Rama ka prezantuar kryenegociatoren e emëruar sëfundmi Majlinda Dhuka.

"Vendosja e kryenegociatores së re nënvizon ndryshimin e natyrës së marrëdhënies me Bashkimin Evropian. Ambasadori Mazi bëri një punë të lavdërueshme, duke bërë një punë të jashtëzakonshme diplomatike. Ndërsa tani ndryshon qasja. Procesi tani kërkon një profil teknik”, tha Rama.

Sipas tij tashmë misioni është që vendi të fitojë respektin në aspektin teknik, pas respektit politik që mori.

“Është themelore që të garantojmë me punën, me seriozitetin, me cilësinë e materialeve, me cilësinë e komunikimit që Shqipëria të shikohet me respekt në çdo hap. Atë respekt të fituar në aspektin politik ta fitojmë edhe në aspektin teknik. Skuadra shqiptarë në Bruksel të krijojë përshtypje serioziteti dhe në Bruksel të flitet për cilësinë e punës së skuadrës shqiptare”, tha Rama./CNA.al

 

Lajmet e fundit nga