LEXO PA REKLAMA!

SHKARKO APP

E fundit!

x

Si po abuzohet me çmimin e energjisë/ Berisha flet për tendera sekretë

29 Korrik 2022, 12:42, Politikë CNA

Si po abuzohet me çmimin e energjisë/ Berisha flet për tendera

Kreu i PD-së, Sali Berisha, në konferencën e tij të përjavshme për mediat, duke folur për energjinë elektrike, është shprehur se tenderat janë bërë sekretë, në një platformë të pacertifikuar.

Berisha theksoi, se çmimi në bursë është 300 euro, ndërsa 300 euro të tjera, sipas tij, kanë shkuar në xhepat e qeveritarëve.

“Përveç kësaj, me këto 60 tendera të realizuar me një platformë të fshehtë, të pacertifikuar, askush nuk e di, ju nuk mund t'i ndiqni këta tendera, në një kohë kur KESH-i e bënte tenderin para jush, para mediave, sot platforma është sekret. Ju garantoj, platforma është e pacertifikuar.  

Janë blerë rreth 300 milionë euro, ndarë dhe vjedhur me qeveritarët.

Çmimi që thotë Edi Rama, 600 euro në bursë, është 300 euro në bursë dhe 300 euro në xhepin e qeveritarëve.

Ekipi i vjedhjes me energjisë ka shitur me 40 euro, kur ajo shitej në euro me 130 euro.

Ka blerë me 250 euro, kur në bursë shitej me 84 euro.

Pra, po bëhet një vjedhje e paimagjinueshme me çmimet.”-tha Berisha.

Sipas tij, Rama ua shet shqiptarëve energjinë me çmim 98 herë më të lartë.

“Tani dua të ndalem te çmimi dhe uji i ngrohtë në shkollat gjermane. 60% e energjisë në Gjermani prodhohet nga gazi dhe nafta.

Asnjë kilovat orë në Shqipëri nuk prodhohet nga gazi dhe nafta.

Kostoja e prodhimit të energjisë në Gjermani është dhjetëra herë më e lartë se në Shqipëri.

Nuk ka vend në botë që t’i shesë energjinë qytetarë të tij me çmim 98 herë mbi koston, kurse bizneseve mbi 210 herë mbi koston.

Kostoja është 0.9 lekë e prodhimit të energjisë në Shqipëri. E shet me 95 lekë te konsumatori, e shet me 200 lekë te biznesi.

Çmenduri! Çmenduri e vërtetë.

E shisnim me 60 te biznesi, me 70 te konsumatori deri në 300 kilovat dhe nuk kishte asnjë humbje.

Pra, nuk ka asnjë lloj lodhjeje. Kriza energjetike me të cilën kërcënon Edi Rama ka në themel vetëm vjedhjen nëpërmjet tregtimit të energjisë.”-u shpreh Berisha./CNA.al

Lajmet e fundit nga