web counter
LEXO PA REKLAMA!

SHKARKO APP

App Store
Google Play

E fundit!

x

Inspektime në kantierin e Portit të Ri të Vlorës/ Balluku jep detaje nga projekti

29 Korrik 2022, 20:27, Politikë CNA
Inspektime në kantierin e Portit të Ri të Vlorës/ Balluku
Ministrja e Infrastrukturës, Belinda Balluku dhe kryeministri Edi Rama

Zv.kryeministrja dhe ministrja e Infrastrukturës, Belinda Balluku ka dhënë detaje nga projekti i portit të integruar të Vlorës, i cili ndodhet 3 kilometra larg portit aktual.

Teksa po kryente inspektime nga kantieri me kryeministrin Edi Rama, Balluku tregoi se në portin e ri do të ndërtohen 133 vende parkimi për anijet e peshkimit, 2 për anijet e transportit të qytetarëve dhe një të mallrave.

“Sapo kemi filluar të ngrejmë kantierin këtu për të nisur projektin e portit të integruar të Vlorës. Ndodhemi 3 kilometra distancë nga porti ekzistues. Ky është një projekt që ne e kemi prej kohësh në Ministrinë e Energjisë dhe Infrastrukturës, që punojmë për të dhe tashmë gjithçka ka përfunduar përsa i përket kontratës dhe hapave të tjerë. Jemi gati për të ngritur kantierin, jemi në fazat finale për të mbyllur të gjitha lejet. Kjo kontratë do të zgjasë për tre vite, duke nisur nga tetori i 2022-shit, deri në tetor të 2025-ës.

Ky është një investim prej 59 milionë eurosh, i cili do të kontribuojë në ndërtimin e 133 vend parkimeve për anijet e peshkimit dhe ndërkohë 2 anijeve përsa i përket transportit të qytetarëve dhe një të mallrave, që do të vendosen në të gjithë këtë zonë. Por nuk është vetëm ky projekti. Në këtë sipërfaqe prej më 110 mijë metrash katrorë akomodohen një sërë projektesh të tjera se kjo, duke qenë se kjo është parashikuar të jetë një zonë ekonomike në zhvillim. Dhe këtu po bëjmë edhe të gjithë planin dhe projektin për të nisur nga thellimi i portit, duke krijuar kështu të gjitha kushtet dhe komoditetet për operimet”, theksoi zv.kryeministrja./ B.A. – CNA.al





Lajmet e fundit nga