LEXO PA REKLAMA!

SHKARKO APP

Avokati Altin Goxhaj bashkon Bashën me Berishën

29 Korrik 2022, 18:49, Politikë CNA
Avokati Altin Goxhaj bashkon Bashën me Berishën
Avokati Altin Goxhaj

Avokati Altin Goxhaj ka bashkuar kryetarin e PD-së Sali Berisha me ish-kryetarin Lulzim Basha.

Mësohet se Goxhaj është kandidati, i cili ka mbledhur firma nga deputetët e Berishës dhe Alibeajt e Bashës për Avokatin e Popullit

Goxhaj në një postim të tij thekson se ka marrë 38 firma për të kandiduar si Avokat i Popullit.

Për tu zgjedhur në këtë proces duhen 84 vota dhe opozita në total e përçarë nuk shkon më shumë se 63 mandate.

“Sot dorëzova nënshkrimet e 38 deputetëve të Opozitës nga PD (nga Sali Berisha tek Dhurata Çupi, nga Tomorr Alizoti tek Sajmir Koreshi, dmth i gjithë spektri i PD), nga LSI, PDIU, LZHK dhe PR.

Kushti Ligjor për të kandiduar është 28 firma deputetësh por unë dorëzova plot 38.

38 Deputetët e Opozitës treguan këtë muaj që bashkohen tek kandidatura ime dhe besojmë që në Shtator 2022 do të vendosim Rilindjen dhe Mafien Soros në hall të madh për të shkelur ligjin që të mos më japin mua vulën e Avokatit të Popullit të tmerruar për raportet në anglisht që do të dërgoja në të gjitha kancelaritë, parlamentet dhe institucionet e të drejtave të njeriut në Europë dhe SHBA për Axhendën Soros për Rrënimin, Falimentimin dhe Shpopullimin e Shqipërisë.

Dhe plot arsye të tjera për atë ç’ka do i garantoja mbrojtje radikale dhe efektive çdo shqiptari nga represioni çubrilloviçian i Rilindjes për t'i detyruar shqiptarët të braktisin Shqipërinë dhe të enden pa atdhe nëpër rrugët e botës të pashpresë!

Në fakt deri në Shtator besoj se do të kem edhe 10 nënshkrime më shumë. Kujtoj se ky është rasti i parë në 1 vit që deputetët e Opozitës bien dakort për diçka në këto përmasa.

Falënderoj për mbështetjen të gjithë deputetët e Opozitës (dhe sdms Kryetarët e partive parlamentare) dhe në mënyrë të veçantë ekipin mbështetës në kandidimin tim Aulon Kalaja, Ilirjana Kucana, Ibsen Elezi, Bislim Ahmetaj, Edvin Kulluri, Edith Harxhi, Andrea Bregu, Ledian Bardhi, etj. Tani gjithçka është në dorë të politikës”, shkruan ai.

Ndërkohë, kujtojmë se emrin e kandidatit për Avokatin e Popullit do ta propozojë opozita./ B.A. – CNA.al

 

Lajmet e fundit nga