E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Meta, "i frikësuar deri në palcë"/ “Lëshon” në sulm Blushin për dosjen e spiunit I.M.

30 Korrik 2022, 20:31, Politikë CNA

Tedi Blushi

Ish-presidenti Ilir Meta, i cili është panikosur për dosjen e spiunit I.M., pati një reagim të menjëhershëm për shkrimin e gjatë të kryeministrit Edi Rama. Pas Metës, një reagim ka bërë edhe Tedi Blushi, ish-zëdhënësi i tij, aktualisht Sekretar i Përgjithshëm i Partisë së Lirisë.

Me anë të një statusi në rrjetet sociale, Blushi ngre 5 pyetje për kreun e qeverisë, të cilin e quan karikaturist me pagesë të Sigurimit të Shtetit.

Ai pretendon se Rama është përgjegjësi kryesor që ka urdhëruar manipulimet dhe falsifikimet e dosjes.

“Pesë pyetje për Edi.K.R apo Edvin Kristaq Ramën dhe një sqarim.

1 - Edi.K.R apo Edvin Kristaq Rama, a ke marrë rrogë apo honorare nga Sigurimi i Shtetit për punën që kryeje në revistën e këtij organi "Në shërbim të popullit"?

2 - Kush të gjeti punë në revistën e Sigurimit "Në shërbim të popullit" dhe në këmbim të çfarë?

3 - Çfarë të lidh ty me spiunen "Neta" që karikaturove në revistën e Sigurimit?

4 - A i ke ofruar Sigurimit ndonjë shërbim ekstra në 3 nëntor 1988. Kush ishte përkthyesi dhe çfarë të lidh ty me dosjen "Scavolini"? Po raportin ti e shkruajte?

5 - Kush është spiuni i faktuar N.L dhe a je i sigurt që nuk re në kurthin e "Radio Lojës"?

Karikaturisti me pagesë i Sigurimit të Shtetit, Edi.K.R apo Edvin Kristaq Rama mashtron rëndë kur pretendon se kryetaren e Autoritetit të Dosjeve ia ka propozuar Meta.

Të gjithë e dinë se ajo ka qenë Zëvendësministre e Veliajt (djali i instruktore Shpresës), e preferuara e tij dhe e Ramës.

Për më tepër, që karikaturisti me pagesë i revistës së Sigurimit "Në shërbim të popullit", e di më mirë se kushdo që takimet apo bisedat për të cilat pretendon janë të dokumentuara.

Gjithsesi nuk ka më vend për justifikime dhe alibi.

Ajo që ka ndodhur është shumë e rëndë dhe Rama është përgjegjësi kryesor që ka urdhëruar manipulimet dhe falsifikimiet.

Ka shumë gjëra që kanë çmim.

Por kurrë Dinjiteti dhe Nderi.

Djali i Netës i di shaka këto.

Më keq për të dhe tarallakët që e ndjekin në këtë marrëzi!

Boll u fshehe pas fustanit të grave dhe të mamit! Përgjigju tani!”, shkruan Blushi./ B.A. – CNA.al