web counter
LEXO PA REKLAMA!

SHKARKO APP

App Store
Google Play

Meta ”lëshon” Blushin/ ”Zotohet” se do tu kthejë shqiptarëve miliardat e vjedhura nga Rama

31 Korrik 2022, 14:13, Politikë CNA
Meta ”lëshon” Blushin/ ”Zotohet” se do tu
Kreu i PL Ilir Meta dhe sekretari i Përgjithshëm, Tedi Blushi

Sekretari i Përgjithshëm i Partisë së Lirisë, Tedi Blushi është hedhur në sulm ndaj kryeministrit Edi Rama.

Pasi nuk po gjen dot qetësi që pas publikimit të dosjes nga Autoriteti i Dosjes, Meta ka “lëshuar” Blushin, i cili “zotohet” se do të çrrënjosin korrupsionin me çdo çmim dhe se miliardat e vjedhura nga banda e Edi Ramës do ua kthejnë shqiptarëve.  

“DO TA ÇRRËNJOSIM KORRUPSIONIN ME ÇDO ÇMIM!

MILIARDAT E VJEDHURA NGA BANDA E EDI RAMËS DO T'UA KTHEJMË SHQIPTARËVE!

Korrupsioni është arsyeja kryesore e shpopullimit të vendit.

Asnjë popull në rajon dhe në Europë, nuk vidhet siç vidhemi ne, as varfërohet siç varfërohemi ne, çdo ditë.

Korrupsioni dhe kapja e shtetit e ka penguar për vite të tëra anëtarësimin e vendit në Bashkimin Europian.

Vetëm lufta pakompromis kundër bandës së Edi Ramës që vjedh çdo ditë pasuritë publike dhe pronat e shqiptarëve është thelbësore për të ndalur zbrazjen e Shqipërisë dhe për t'u anëtarësuar në familjen europiane.

Mos u mashtroni nga fushatat për "lodhjen" apo "zhgënjimin" me BE.

Shqiptarët janë të zhgënjyer, të lodhur, të vjedhur dhe të pashpresë vetëm nga Qeveria.

Përballë korrupsionit, varfërisë, arrogancës, brutalitetit, padrejtësisë, pandëshkueshmërisë dhe injorancës që na qeveris kërkohet rezistencë. Jo dorëzim, jo indiferencë.

Të bashkohemi në qëndresën ndaj së keqes! Vetëm kështu do të ndalim shpopullimin dhe do të afrohemi më shpejt drejt BE!

KOHA PËR REVOLUCION ANTIKORRUPSION ËSHTË TANI!”, shkruan Blushi në postimin e tij./A.E-CNA.al





Lajmet e fundit nga