“Qeveria e Shqipërisë punon për llogari të pazareve të ndyra" / Këlliçi, akuza Ramës për Kosovën

1 Gusht 2022, 11:31, Politikë CNA

“Qeveria e Shqipërisë punon për llogari të pazareve

Deputeti i PD-së, Belind Këlliçi, ka komentuar zhvillimet e fundit në Kosovë.

Me anë të një reagimi në rrjetet sociale, ai shkruan se vendimet në raport me Serbinë, Kosova i merr vetë, nëpërmjet qeverisë së saj legjitime, pasi Jugu i saj, Shqipëria, ka fatkeqësinë të ketë një kryeministër shërbëtor të Serbisë, që reagoi i fundit për ngjarjet në veri të Kosovës.

“Kosova ka dinjitet!

Republika e Kosovës, shtet i pavarur dhe sovran, me institucione demokratike të dala nga vota e lirë dhe e barabartë e qytetarëve të saj, ka të gjithë të drejtën e botës të vendosë masa reciprociteti me fqinjët e saj.

Respekti, edhe ai mes shtetesh, është i ndërsjellë. Republika e Kosovës nuk është një lolo ballkanik pa dinjitet.

Vendimet në raport me Serbinë, Kosova i merr vetë, nëpërmjet qeverisë së saj legjitime.

Jugu i saj, Shqipëria, ka fatkeqësinë të ketë një kryeministër shërbëtor të Serbisë, që reagoi i fundit për ngjarjet në veri të Kosovës”, shkruan Këlliçi.

Sipas tij, kjo është periudha më e turpshme në historinë e raporteve Shqipëri-Kosovë, që pas rënies së regjimit antikosovar të Enver Hoxhës.

“Qeveria e Shqipërisë punon për llogari të Open Balkan dhe pazareve të ndyra në kurriz të shqiptarëve këndej dhe andej kufirit.

Politika e jashtme e Edi Ramës është një akt tradhtie”, shkruan më tej Këlliçi./CNA.al

Lajmet e fundit nga