web counter
LEXO PA REKLAMA!

SHKARKO APP

App Store
Google Play

Berisha: Mbrojtja e familjes, domosdoshmëri për ne si forcë konservatore

2 Gusht 2022, 19:37, Politikë CNA
Berisha: Mbrojtja e familjes, domosdoshmëri për ne si forcë
Kryetari i Partisë Demokratike, Sali Berisha

Familja dhe problematikat me të cilat përballen shqiptarët, ka ulur në një bashkëbisedim kryetarin e PD-së, Sali Berisha, dhe disa intelektualë të fushave të ndryshme.

Gjatë fjalës së tij, Berisha është shprehur se familja është themeli i shoqërisë.

Berisha u shpreh se, “mbrojtja e familjes dhe vlerave të saj është një domosdoshmëri dhe ne si forcë konservatore e kemi pasur, e kemi dhe do ta kemi si vlerën më themelore të shoqërisë. Kam ardhur t'ju dëgjoj ju, mendimet, pikëpamjet, idetë tuaja për familjen ne rrezik apo për dramën që po përjeton shoqëria shqiptare sot, që ka për teatër familjen shqiptare”.

Kreu i opozitës, nuk i kurseu akuzat edhe për George Soros, duke u shprehur se me politikat e tij ai po vë në rrezik dramatik familjen.

“Për traditën, familja është themeli i shoqërisë, padiskutim me vlerat e saj solidaritetin dhe sakrificat është si të thuash parajsa tokësore e njeriut. Në tërësi pranohet që Shqipëria është në vështirësi shumë të mëdha. Ne kemi bindjen se është në rrezik. Nuk e themi për propagandë. Por një komb që nga 2014 në 2021 largohet më shumës e ¼ e tij, ai komb në të gjithë planet, është një komb që ose është në një luftë të egër civile dhe ne nuk jemi, se duhet se kush janë përzënësit më të mëdhenj... Por ne kemi tejkaluar në vitin 2019 në azilkërkuesit e refugjatë, Sirinë, që ishte në kulmin e luftës. Drama e sotme shqiptare ka për teatër familjen shqiptare. Ajo luhet në teatrin e familjes shqiptare nga një kompleks faktorësh.

Sot përballen dy rryma dhe ato përballen jo vetëm në Shqipëri, por edhe në botë. Një rrymë e cila tejkalon familjen dhe vlerat e saj, një rrymë e cila dekonfiguron familjen dhe shndërron prindërit në numra. Është sigurisht një shumicë  tjetër  që  beson te vlerat familjare. Problemi është edhe më dramatik  sepse kjo rrymë që tejkalon familjen dhe vlerat e saj, i mbikalon, i refuzon, i shmang, kjo rrymë kërkon të imponohet politikisht, sociologjikisht, të imponohet në forma të ndryshme. Nuk mund të mos theksoj se në krye të kësaj rryme qëndron George Soros. Pse? Dy arsye. E para është multimiliaderi i cili investon shumë. Më kishte dërguar një bashkëpunëtorja ime donacionet. Ai përdor miliardat të cilat i ka kryekëput pothuaj fryt të një spekulimi. Ai përdor miliardat për të imponuar koncepte që çfarë janë ato? Janë absolutisht konceptet e ekstremit të majtë”, tha Berisha./CNA.al

 

 





Lajmet e fundit nga