LEXO PA REKLAMA!

SHKARKO APP

Front sa më të gjerë për të shpëtuar Shqipërinë/ Berisha: Do të krijojmë Ministrinë e Familjes  

2 Gusht 2022, 21:35, Politikë CNA
Front sa më të gjerë për të shpëtuar
Kryetari i PD-së, Sali Berisha në takim me intelektuale

Kryetari i Partisë Demokratike, Sali Berisha, është shprehur se do të krijohet një front sa më i gjerë për të shpëtuar Shqipërinë nga rreziku i shkatërrimit të familjes.

Ai tha se me ardhjen e së djathtës në pushtet do të krijohet Ministria e Familjes!

"Ku qëndron Partia Demokratike? Në të gjitha përpjekjet për një front sa më të gjerë për të shpëtuar Shqipërinë nga ky rrezik, për të shpëtuar familjen nga ky rrezik i madh. Në mënyrë absolute, kjo forcë politike nesër, në themel të politikave sociale të saj do të ketë familjen. Do të krijojmë Ministrinë e Familjes dhe të Çështjeve Sociale. Do të vëmë në kryefjalë familjen. Është e domosdoshme. Kemi ndërtuar si qeveri mbi 11 mijë km rrugë. Në këtë situatë s’do të më shkonte ndërmend asgjë tjetër përveç lehtësimit, zbutjes dhe amortizimit të dhimbjeve të këtyre njerëzve. Kurse ky hap tender për autostradë 22 milionë euro për kilometër linear, në një kohë kur në Europë, me këtë terren, ndërtohen me 2 gjer 3 milionë euro. Pse e bën këtë? Sepse do të pasurohet edhe më shumë. Të bëjmë gjithçka në këtë front. Potenciali është i jashtëzakonshëm. Nuk di të ketë vend që të ketë potencialet e Shqipërisë. Ju garantoj se do të ketë Ministri për Familjen, do ketë specifika për mbrojtjen dhe mbështetjen e familjeve", tha Berisha./CNA.al

Lajmet e fundit nga