Turizmi po falimenton/ Berisha: Bregdeti, i boshatisur si asnjëherë më parë!

3 Gusht 2022, 19:58, Politikë CNA
Turizmi po falimenton/ Berisha: Bregdeti, i boshatisur si asnjëherë
Kryetari i PD-së, Sali Berisha

Kryetari i Partisë Demokratike, Sali Berisha, në takimin me ekspertë, sipërmarrës, aktivistë dhe qytetarë është ndalur te problemet e turizmit, duke u shprehur se po falimenton dhe po shkatërrohet çdo ditë.

“Sektori i turizmit po falimenton. Arrijmë në përfundimin shumë të hidhur se edhe kjo pasuri e pakrahasueshme, mahnitëse kombëtare, po shndërrohet në një mallkim për shqiptarët. Sot, ky vit është me kapacitete të boshatisura si asnjëherë më parë. Ata që investuan mundin dhe djersën e tyre në kapacitete turistike, këtë vit, shumë prej tyre mendojnë si t’i shesin, si të shpëtojnë nga falimentimi dhe barra e tyre. Nuk ka një sektor tjetër ekonomik që është tmerrësisht i rëndësishëm, punëson mbi çerek milionë qytetarë me anekse dhe të tjera është gjenerator kryesor, por ja ku jemi. Kapacitetet në korrik ishin as gjysmë për gjysmë të shfrytëzuara. Kapacitetet shfrytëzoheshin kryesisht në ëeekend. Por krahaso ti një investitor në Vlorë, apo në Durrës që të shfrytëzojë kapacitetet e tij dy ditë në javë, në një kohë kur homologu i tij në Greqi apo Turqi i shfrytëzon 5-6 muaj”, tha Berisha./CNA.al

Lajmet e fundit nga