LEXO PA REKLAMA!

SHKARKO APP

Berisha ngushëllon familjen Avdia/ “Komisari një xhelat, shteti i mbushur me krim”

4 Gusht 2022, 11:42, Politikë CNA
Berisha ngushëllon familjen Avdia/ “Komisari një xhelat, shteti
Kreu i PD-së, Sali Berisha

Kreu i PD-së, Sali Berisha, ka ngushëlluar familjen e 7-vjeçares, Jonada Avdia, vogëlushja e cila humbi jetën pasi oficeri i policisë, Arjan Tase, e përplasi me skaf në breg të detit. Një ditë pas përcjelljes së vogëlushes në banesën e fundit, Berisha ka vizituar familjen Avdia për të shprehur ngushëllimet.

Në një deklaratë për mediat, Berisha është shprehur se komisari që kreu këtë krim nuk është gjë tjetër veçse një xhelat.

Ndër të tjera, Berisha komentoi edhe deklaratat e Ramës ndaj mediave dhe kundërshtarëve të tij politik, duke thënë se në vend që të shkarkonte ministrin Çuçi iu vërsul mediave dhe politikës.

Unë erdha për të shprehur ngushëllime më të ndjera të miat, të familjes time dhe të PD-së.

Erdha si qytetar, për familjen e Jonadës, e cila humbi jetën në një krim horror që ka tronditur thellë çdo shqiptar. Kjo ngjarje ka tronditur çdo njeri. Si ngjarje, si krim i shëmtuar.

Duhej të ishe vetëm një individ si ai që e kreu, se kurrë nuk mund të ndodhte një akt i tillë.

Një akt i tillë është jashtë përfytyrimit për një qytetar të thjeshtë, po të kryhej nga një qytetar i thjeshtë.

Por në fakt ky akt u krye nga një njeri i qeverisë, ky akt u krye me një mjet monstruoz krimi, siç ishte skafi me 600 kuaj fuqi.

Ky akt u krye në distancën më të afërt me rërën, tri-katër metra, në prani të qindra fëmijëve, pushuesve të tjerë që loznin aty.

Në këtë aspekt, komisari nuk është asgjë tjetër veçse një xhelat. Krimi është një dëshmi e një shteti të mbushur me të tillë”, tha Berisha./ CNA.al

Lajmet e fundit nga