web counter
LEXO PA REKLAMA!

SHKARKO APP

App Store
Google Play

E fundit!

x

Ky që blen “like” nga Bangladeshi, po falimenton turizmin/ Berisha “ndez” alarmin

5 Gusht 2022, 12:33, Politikë CNA

Ky që blen “like” nga Bangladeshi, po falimenton

“Çmimi stratosferik i naftës po godet rëndë turizmin”. Kështu është shprehur kreu i PD-së, Sali Berisha, ndërsa ka dhënë alarmin për falimentimin e turizmit.

Sipas tij, nga Velipoja deri në Ksamil, kapacitet janë nën 50 për qind dhe mungojnë jo vetëm turistët e huaj, por mungojnë turistët shqiptarë.

“Një nga shkaqet më dekurajuese për shqiptarët dhe për ata që duan të vijnë në Shqipëri, është çmimi i naftës, i barabartë me Zvicrën.

Ju e dini se për të shkuar me makinë nga Tirana deri në Dhërmi, harxhon naftë 130 mijë lekë, por për të fluturuar me EasyJet, nga Tirana në Antalia, harxhon gjithsej 60-70 euro.

Këtu ka një paradoks, një çmenduri që po godet rëndë turizmin. Ky është vetëm një faktor.

Shqiptarët e kanë shumë më lirë sot të pushojnë në Greqi, Turqi apo Mal të Zi, sesa të zbresin në brigjet e tyre, me çmimin stratosferik të naftës, por edhe çmimet e produkteve ushqimore. Janë dy-trefishuar”, është shprehur Berisha.

Më tej ai ka akuzuar Qeverinë se nuk kanë marrë masa me të cilat mund të mbanin në këmbë turizmin.

“Keni dëgjuar ndonjë masë të vetme nga qeveria për të mbështetur turizmin? Punëson një çerek milionë qytetarë në sezon.

Nuk gjejnë punonjës dhe punëtorë.

Ky njeri ka ndërmend të sjellë punëtorë nga Bangladeshi, sepse po i largon të vetët. Ky që blen 'like' nga Bangladeshi, standardet e botës virtuale, po i përdor për botën reale.

Ndërhyrja emergjente është e domosdoshme.

Duhet indeksim urgjent sepse në këtë mënyrë po falimenton sektori ku shqiptarët kanë investuar pothuajse gjithçka kanë pasur.

Turizmi në Shqipëri po pëson një dramë të madhe si shkak i politikave të Edi Ramës”, ka thënë më tej Berisha./CNA.al





Lajmet e fundit nga