web counter
LEXO PA REKLAMA!

SHKARKO APP

App Store
Google Play

E fundit!

x

Mos blini apartamente në Portin e Durrësit/ Pas Berishës apelon edhe Meta

5 Gusht 2022, 15:15, Politikë CNA

Mos blini apartamente në Portin e Durrësit/ Pas Berishës apelon

Kreu i PL-së, Ilir Meta, u ka bërë thirrje qytetarëve që të mos blejnë apartamente në projektin për Portin e ri të Durrësit.

Fillimisht ishte kreu i PD-së, Sali Berisha, që e bëri një thirrje të tillë.

Sipas Metës kemi të bëjmë me një skemë piramidale, pasi qeveria ka përgatitur një aferë korruptive pa memorandum dhe kontratë që do të shërbejë si skemë për t'u vjedhur paratë qytetarëve.

“Mos blini apartamente në projektin e Durrësit. Mos bini pre e mashtrimeve të kësaj skeme piramidale.

I ftoj të gjithë qytetarët të mos bien pre e mashtrimeve dhe të mos shpenzojnë asnjë qindarkë për blerjen e apartamenteve në Projektin e Portit të Durrësit, që nuk është gjë tjetër veçse një skemë e pastër piramidale për vjedhjen e parave tuaja.

Në mungesë të plotë transparence, për këtë të ashtuquajtur Projekt, nuk është publikuar asnjë memorandum, kontratë apo informacion se si do të bëhet ndarja e të ardhurave.

Është vetëm një aferë e pastër korruptive, që synon t’ju grabisë paratë dhe asgjë më shumë!

U bëj thirrje organeve të Drejtësisë të reagojnë menjëherë dhe të ndërhyjnë për të penguar nënshkrimin e çdo kontrate paraprake shit-blerje, në kundërshtim të ligjit dhe në dëm të qytetarëve”, shkruan Meta në rrjete sociale./CNA.al





Lajmet e fundit nga