web counter
LEXO PA REKLAMA!

SHKARKO APP

App Store
Google Play

E fundit!

x

Partia e Lirisë/ Blushi thirrje Ramës: Lëre menjanë urrejtjen për Kosovën, hiq taksën e Rrugës së Kombit

5 Gusht 2022, 22:13, Politikë CNA
Partia e Lirisë/ Blushi thirrje Ramës: Lëre menjanë
Foto ilustruese

Sekretari i Përgjithshëm i Partisë së Lirisë,Tedi Blushi, i ka kujtuar kryeministrit Rama që të lërë mënjanë urrejtjen për Kosovën dhe të heqë taskën e Rrugës së Kombit.

Në një reagim të tij, Blushi shprehet se qeveria këtë ta bëjë të paktën për periudhën e sezonit turistik.

“Për të disatin vit radhazi qytetarët e Kosovës kanë zgjedhur Shqipërinë si destinacion kryesor për turizëm veror.

Me të ardhurat e tyre ata po mbajnë në këmbë këtë sektor jetik për ekonominë e vendit, duke harxhuar miliona euro kursime dhe të ardhura të fituara me shumë mund.

Edhe sikur të mos paguhej asnjë euro, por vetëm ndalesa te trau është një bezdi, fyerje, por edhe kosto më shumë për qytetarët e Kosovës.

Edi Rama të lerë mënjanë urrejtjen e madhe për Kosovën dhe të heqë menjëherë taksën në Rrugën e Kombit!

Të paktën Qeveria të rimbursojë për sezonin e verës të gjithë qytetarët e Kosovës që vijnë në Shqipëri.

Ky është patriotizëm i vërtetë!

"Ballkan të Hapur" duke i vendosur barriera Kosovës nuk mund të ketë!”, thotë Blushi./CNA.al

 





Lajmet e fundit nga