web counter
LEXO PA REKLAMA!

SHKARKO APP

App Store
Google Play

E fundit!

x

 “Njëri ka probleme se ka dalë spiun”/ Gjuhë kafshërore, Veliaj godet Metën, nuk kursen as Berishën

11 Gusht 2022, 08:22, Politikë CNA

 “Njëri ka probleme se ka dalë spiun”/ Gjuhë

Fushata për zgjedhjet vendore 2023 ka nisur nga të gjitha forcat e politike.

PD me në krye Sali Berishën dhe PL me në krye Ilir Metën, kanë zbritur në terren dhe çdo ditë dalin duke denoncuar fenomene të ndryshme.

Edhe PS është vënë në lëvizje.

Nëpërmjet kreut të Bashkisë së Tiranës, Erion Veliaj, i është kundërpërgjigjur dyshes Berisha-Meta.

Në emisionin "Koha për t’u zgjuar”, Veliaj ka thënë se Meta dhe Berisha flasin me gjuhën me vitit 1990.

Sipas tij, kjo ndodh pasi njëri ka probleme se ka dalë spiun dhe tjetri ka problem me të kaluarën.

“Të habitesh që në 2020 Berisha dhe Meta të flasin me gjuhën e 1990 mua nuk më habit, vetëm atë dinë të bëjnë. Njëri ka probleme se ka dalë spiun, njëri ka probleme nga e kaluara. Kur ti del në mes të gushtit dhe flet me gjuhë kafshërore, do të thotë që një hall ke.
Ajo shprehja kërcen prifti nga belaja për këta ka dalë. Kur shikon që çohen në pikë të mëngjesit të vijnë nga Lalëzi në Tiranë ti kupton që ata e kanë sport. Sport me faull, me stërkëmbësha. Kanë dhe një shqetësim se janë tmerr në sondazhe. Njerëzit mund të kenë shqetësime për Tiranën, mund të kem dhe unë, por ata nuk kanë një CV për Shqipërinë”, është shprehur Veliaj./CNA.al





Lajmet e fundit nga