E fundit!

09:54 Kosova & Bota

Europa përfshihet nga vala e të nxehtit, Italia në alarm me temperatura deri në 45°C

Një valë e fuqishme të nxehti ka përfshirë Italinë dhe...

Ish-ministri “i tërheq veshin” opozitës/ "Berisha harxhon kohë me 'non-gratllëqet', Meta ende në Presidencë"

12 Gusht 2022, 12:28, Politikë CNA

Ish-ministri “i tërheq veshin” opozitës/ "Berisha

Ish-ministri i Drejtësisë, Ylli Manjani, ka reaguar lidhur me situatën e opozitës, ndërsa shkruan se nëse shtatori e gjen kështu, nuk ka asgjë në terezi.

Përmes një postimi në rrjetet sociale, Manjani thekson se reagimet në plane të kithëta dhe gjuha kërcënuese e ultimative janë në favor të qeverisë.

Sipas tij, ekipet opozitare janë askund, ndërsa thekson se sa më shumë të flitet me gjuhë dhune, urrejtje në publik kundër, vetëm e forcon qeverinë.

“Gusht është ende por nëse shtatori e zë opozitën politike kështu si sot, nuk kemi gjë në terezi.

Reagimet në plane të kithëta, ose shkurt njëri i bie gozhës e tjetri patkoit, janë të gjitha në favor të qeverisë së grabitjes.

Edhe gjuha kërcënuese e ultimative është në favor të qeverisë grabitëse.

Mungesa e ideve alternative e mbi të gjitha përqendrimi i politikës vetëm tek Berisha dhe Meta është gjithashtu në favor të qeverisë grabitëse.

Berisha harxhon ende kohë publike e merret me nongratëllëqet e sajuara ndaj tij. Meta ende nuk ka dalë nga presidenca, që të ulet me këmbë në tokë e të kuptojë se reagimi i koordinuar është domosdoshmëri.

Ekipet opozitare janë askund. Ide alternative jo e jo...

Rama mjeshtrisht i hedh benzinë zjarrit përvëlues që përçan opozitën dhe konfuzon reagimin opozitar.

Sa më shumë të flitet me gjuhë dhune, urrejtje e fjalor lacash në publik kundër, vetëm e forcon qeverinë, që vetëm grabit qetsisht e me shumicë mbështetëse... Meta, në mënyrë të veçantë duhet ta kuptojë këtë gjë...

Pra njerëzit e shohin që qeverisen nga grabitës, por shohin se ska gjë në anën tjetër dhe kjo është frustruese. Pa shpresë..!

Bashkimi , reagimi i koordinuar, alternativat dhe ekipet janë shpëtimi jo thjesht i opozitës, por i demokracisë.

Hë për hë skemi gjë në terezi!!!

Dhe më në fund një këshillë kam për drejtuesit e opozitës:

Lexojini mirë sondazhet e këtij viti që ka bërë Barometri në EURONEWS”, shkruan Manjani.