web counter
LEXO PA REKLAMA!

SHKARKO APP

App Store
Google Play

Rama e la rrugëve/ Akuzon PD-në për Qukës-Qafë Plloçë

11 Gusht 2022, 18:52, Politikë CNA
Rama e la rrugëve/ Akuzon PD-në për Qukës-Qafë
Kryeministri Edi Rama

Kryeministri Edi Rama ka hedhur akuza ndaj Partisë Demokratike për rrugën Qukës-Qafë Plloçë, teksa njofton se Qeveria dhe Fondi Saudit i Zhvillimit kanë nënshkruar marrëveshjen e financimit shtesë.

Me anë të një statusi në rrjetet sociale, kreu i qeverisë deklaron se PD-ja e la këtë rrugë pas dore, kur në fakt vetë Rama e la rrugën rrugëve.

Ndonëse rruga ka filluar që në qeverisjen e Sali Berishës, Rama ka 9 vjet në pushtet dhe përfundon me 5 km në vit.

Kjo rrugë duhet të kishte kishte përfunduar me kohë, por kryeministri sot ka njoftuar se do e mbarojë së shpejti.

“Qeveria Shqiptare dhe Fondi Saudit i Zhvillimit, nënshkruan pas një negociate të gjatë  marrëveshjen e financimit shtesë për rrugën Qukës-Qafë Plloçë, e cila u riprojektua thuajse tërësisht nga e para pas një projektimi tipik të kohës së rrugëve të lëna rrugëve.

Fondi që do të akordohet nëpërmjet kësaj marrëveshjeje bën të mundur përfundimin e pjesës së dytë të rrugës me një gjatësi 43.4 km.

Kjo vepër përmban ndërtimin e një numri të madh muresh mbajtëse, mbi 20 ura, 2 tunele të ndërtuara me gjatësi 850 m dhe 350 m, së bashku me tunelin e emergjencës.

Me përfundimin e plotë të ndërtimit të segmentit rrugor Qukës-Qafë Plloçë, do të shkurtohet me rreth një orë, koha e udhëtimit në aksin kombëtar Tiranë-Korçë, si edhe do të zbulohet një tjetër zonë e magjishme e Shqipërisë, Mokra me tërë potencialin e vet bujqësor e agroturistik”, shkruan Rama./ B.A. – CNA.al





Lajmet e fundit nga