web counter
LEXO PA REKLAMA!

SHKARKO APP

App Store
Google Play

E fundit!

x

Skandali i inceneratorëve/ Malltezi "godet" SPAK-un: Nuk guxon të hetojë

11 Gusht 2022, 17:13, Politikë CNA
Skandali i inceneratorëve/ Malltezi "godet" SPAK-un: Nuk guxon
Anëtari i Këshillit Kombëtar të PD, Jamarbër Malltezi

Anëtari i Këshillit Kombëtar të PD-së, Jamarbër Malltezi, ka ngritur sërish akuza ndaj kryeministrit Edi Rama dhe SPAK-ut, teksa ka folur në lidhje me aferën e inceneratorëve.

Malltezi cilësoi sërish në "Syri Tv" kryeministrin Edi Rama si kokën e kësaj afere të shekullit.

Ndërsa u ndal te hapat e ndërmarë nga SPAK-u, ai pretendon se ky institucion nuk guxon të hyjë më thellë në çështjen korruptive ku është e përfshirë Qeveria.

"U injoruan strategji, plane veprimi, me qëllimin për të vjedhur ca para. Nënkotraktorët e nënkontraktorëve të kontraktorëve, ngaqë e dinin që kjo është direkt te Edi Rama nuk kanë përfillur asnjë rregull. Kjo që ka nxjerrë Partia e Lirisë për përdorjen e të vdekurve, janë nënkontraktorët e nënkontraktorëve. Këto e dinin që kanë një mbrojtje të madhe politike. Kanë bërë çfarë kanë dashur.

Po merret me Kokën, i cili është një aferë 4 mln euro, ndërsa afera e inceneratorëve është 430 mln euro. Ajo e zotit Koka është më pak se 1 për qind e aferës totale, por 99 për qind kush e heton? Ajo ku është përfshirë Bllako është më pak se 0.1 për qind, po 99.9 për qind kush do e hetojë?

SPAK nuk guxon të hetojë, nuk guxon të mbledhë çështjet. Të njëjtët personazhe tek të tre inceneratorët, të njëjtët sekserë. Qartazi, sinkronizim i plotë.

SPAK mjafton të thërrasë drejtorin e drejtorisë juridike në kryeministri, që ka kaluar një kontratë ndesh me ligjin, nëse ti e ke miratuar, mban përgjegjësi dhe ta ofrojë të bëhet bashkëpunëtor i drejtësisë dhe tregon ai se si drejtoria juridike nuk u lejua të shikonte draftin e kontratës e sjellë e gatshme nga Zoto, Mërtiri, Gugallja, si sekserë të Ramës, Ahmetajt dhe Agaçit. Pa firmën e Ramës nuk lëvizet fondi. Kanë pasur garanci të plotë nga Rama. Agaçi dhe Rama janë direkt përgjegjës", theksoi Malltezi./ B.A. - CNA.al





Lajmet e fundit nga