web counter
LEXO PA REKLAMA!

SHKARKO APP

App Store
Google Play

Plagosja e punonjësit të IMT-së/ Veliaj, thirrje organeve të drejtësisë: Duhet rreptësi maksimale

12 Gusht 2022, 20:47, Politikë CNA
Plagosja e punonjësit të IMT-së/ Veliaj, thirrje organeve të
Kryetari i bashkisë së Tiranës, Erion Veliaj

Kryetari i bashkisë së Tiranës, Erion Veliaj, ka reaguar për plagosjen e inspektorit të IMT gjatë pasdites së sotme në Tiranë.

Me anë të një statusi në rrjetet sociale, Veliaj i uron shërim të shpejtë inspektorit Ilirjan Gavelli.

Gjithashtu, kryebashkiaku i bën thirrje organeve të drejtësisë që të jenë të rrepta me kriminelët që ngrenë dorën ndaj punonjësve të shtetit në detyrë.

"Shërim të shpejtë Ilirianit tonë të IMT pas plagosjes në krye të detyrës për infrastrukturën nga një person me precedentë penal, tashmë në pranga! I kërkoj organeve të drejtësisë rreptësi maksimale për kriminelin që ngre dorë për shkak të detyrës ndaj punonjësve të shtetit! Prej 7 vitesh Bashkia e Tiranës nuk është tërhequr nga asnjë projekt publik – as nga presidentët e lojtur, as nga rrugacët me famëkeqë të vendit! Ta harrojnë se e ndalin dot zhvillimin e qytetit si kriminelët ordinerë, ashtu dhe ordinerët e politikës që frymëzojnë dhunën! Jam më i bindur se kurrë se shumica morale dhe e ndershme e qytetit – që as zapton e as dhunon – e do progresin dhe refuzon t’i nënshtrohet dhunës së rrugës e asaj politike! Ndaj dhe jam më i vendosur se kurrë t’i coj gjer në fund punët për një Tiranë që nuk ndalet!”, shkruan Veliaj.

Kujtojmë se pasditen e sotme u plagos me armë inspetori i IMT-së nga 55-vjeçari Q.M., pasi shembi banesën e këtij të fundit./ B.A. – CNA.al





Lajmet e fundit nga