web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëroi ndryshime në Kuvend/ Boçi ‘i hakërrehet’ Ballës: Kush mbjell erë, do të korrë furtune

15 Gusht 2022, 20:26, Politikë CNA
Paralajmëroi ndryshime në Kuvend/ Boçi ‘i
Nënkryetari i PD-së, Luçiano Boçi

Nënkryetari i PD-së, Luçiano Boçi, ka reaguar ashpër ndaj kreut të grupit parlamentar të PS-së, Taulant Balla, pas deklaratës së këtij të fundit se Kuvendi do të adresojë çështjen e pjesëmarrjes në Parlament të ish-kryeministrit Sali Berisha.

Me anë të një statusi në rrjetet sociale, Boçi thotë se një ish-sekretar i përgjithshëm i partisë ish-komuniste, nuk ka të drejtë të vërë në diskutim pjesëmarrjen e Berishës në Kuvend.

Ai thekson se ka qenë pikërish kreu aktual i PD-së, ai i cili shembi diktaturën hoxhiste dhe shpurën e tij, inicioi e firmosi rivendosjen e marrëdhënieve me SHBA e BE, rrugën për në BE dhe hyrjen e Shqipërisë në NATO.

Nënkryetari i PD-së paralajmëron se kush mbjell erën, do të korrë furtunën.

“Ish-Sekretari i përgjithshëm i partisë ish-komuniste dhe ish-punës, partisë së miqësisë së pathyeshme jugosllavo-sovjetike-kineze, sot socialiste, “këngëtari” i palodhur, na paraqitet sot i shqetësuar për praninë në parlament të Sali Berishës, shembësit të diktaturës Hoxhiste dhe shpurës së tij, iniciatorit e firmosësit të rivendosjes së marrëdhënieve me SHBA e BE, të rrugës për në BE, të hyrjes së Shqipërisë në NATO, etj.

Sipas sekretarit të përgjithshëm të partisë ish-komuniste e ish e punës, Presidiumi i Kuvendit popullor të Shqipërisë (tani Kryesia e Kuvendit të Shqipërisë) që firmoste varjen e poetëve para viteve ‘90, do na ndërmarrka iniciativa për dënimin e atij që luajti rolin kryesor në rrëzimin e diktaturës të etërve. Bijtë duan revansh… nga frika e shtatorit! Por kush mbjell erën, do korrë fortunën-thotë populli!”, shkruan Boçi./ B.A. - CNA.al





Lajmet e fundit nga