web counter
LEXO PA REKLAMA!

SHKARKO APP

App Store
Google Play

E fundit!

x

Meta bën trimin/ Në betejë do të dal vetë i pari

16 Gusht 2022, 20:36, Politikë CNA
Meta bën trimin/ Në betejë do të dal vetë i pari
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka folur për beteja dhe luftëra me Qeverinë, gjatë një takimi me strukturat e PL-së në Vlorë.

Meta tha se në betejë do të dalë vetë i pari dhe luftën do ta bëjë me shumë kënaqësi.

Ai kërkoi angazhim të fortë nga të gjithë anëtarët e PL-së, teksa u shpreh se angazhimi i tij do të jetë më i fortë se kur krijoi LSI-në.

“Zgjedhjet lokale nuk i shtyjmë dot siç nuk i shtymë kur nuk na u regjistrua Luli. Mund të ndodhë të bëhen para ato të përgjithshmet, dhe meqë nuk kemi përfaqësues në Këshillin Bashkiak duhet monitoruar puna e pushtetit lokal dhe problemet duhet ngritur në opinion publik që tani. Hipotekat, tjetërsimi i pronave dhe probleme të tjera që ka. Jam i angazhuar të vij në Vlorë sa herë duhet për t'u dhënë zë këtyre problemeve.

Pres angazhim të fortë nga të gjithë ju, dhe angazhimi im do të jetë më i fortë se kur krijova LSI-në. Atëherë isha i shqetësuar se PS-ja po bllokonte integrimin, por tani vihen në diskutim pasuritë, kufijtë e Shqipërisë e Kosovës, motivimi është i jashtëzakonshëm dhe kërkoj nga të gjithë të marrin sa më shumë përgjegjësi, në betejë e dini se dal vetë i pari dhe e bëj luftën me shumë kënaqësi kur është e drejtë dhe për interes kombëtar dhe pres të kemi një përkrahje të madhe në Vlorë”, deklaroi ish-presidenti./ B.A. – CNA.al





Lajmet e fundit nga