web counter
LEXO PA REKLAMA!

SHKARKO APP

App Store
Google Play

“Një dekadë që qeverisemi nga kartelet”/ Dash Shehi bën thirrje për protesta

18 Gusht 2022, 20:33, Politikë CNA
“Një dekadë që qeverisemi nga kartelet”/ Dash Shehi
Dash Shehi

Kreu i LZHK-së, Dashamir Shehi, ka dalë me një reagim të fortë lidhur me situatën e kriminalitetit në vend, nisur dhe nga ngjarjet e fundit, ku vetëm në 24 orë janë regjistruar 3 atentate.

Ai thekson se kemi më shumë se një dekadë që qeverisemi nga kartelet, duke hedhur akuza ndaj qeverisë si e lidhur me krimin.

Më tej ai shton se duhet të reagojmë me fjalë, protesta dhe mbi të gjitha me votë, përndryshe pas pak viteve, edhe shtetet e Amerikës Qendrore do të duken Europë para Shqipërisë.

“Është bërë e zakonshme që vendi të përgjaket gjatë sezonit veror. Krimi lëviz lirshëm sepse i gjithë shteti, e mbi të gjitha drejtësia nuk funksionon.

Krimi qeveris, blen vota, korrupton dhe bën ligjin në rrugët e Shqipërisë. Paaftësia e policisë dhe organeve të drejtësisë për të zbatuat ligjin dhe rendin ka institucionalizuar krimin.

Në Vlorë larje hesapi mes bandave, në Sarandë vrasje për parkimin, në Elbasan vrasje për një fjalë goje.

Këto ngjarje të gjitha, të ndodhura brenda 48 orëve. Vrasje për larje hesapesh apo vrasje për parkim mjeti, krimi është krim dhe kjo nuk justifikohet.

Patjetër që përgjegjsia qendron tek ata që qeverisin. Kur pushteti sigurohet nga krimi, krimi bëhet pushtet. Sot, shqiptari është i pasigurt edhe kur ulet tek kafja e lagjes. Siguria për jetën është minimale.

Jemi një shtet në zemër të Evropës, që kërkojmë të anëtarësohemi në BE, por me nivele krimi si vendet që qeverisen nga kartelet e drogës, se në fakt dhe ne kemi rreth një dekadë që nga kartelet qeverisemi.

Duhet të reagojmë qytetarë. Duhet të reagojmë me fjalë, protesta dhe mbi të gjitha me votë, përndryshe pas pak viteve, edhe shtetet e Amerikës Qendrore do të duken Evropë para Shqipërisë."/CNA.al

 





Lajmet e fundit nga