web counter
LEXO PA REKLAMA!

SHKARKO APP

App Store
Google Play

“Pasaportat e florinjta”/ Pollo: Rrezikohet anulimi i liberalizimit të vizave, Rama po na paraqet si shtet zuzar

19 Gusht 2022, 11:05, Politikë CNA
“Pasaportat e florinjta”/ Pollo: Rrezikohet anulimi i liberalizimit
Genc Pollo

Ish-deputeti demokrat, Genc Pollo, ka deklaruar se qeveria po rrezikon anulimin e liberalizimit të vizave të shqiptarëve.

Përmes një postimi në "Twitter", Pollo thekson se vizat e shqiptarëve rrezikohen për shkak të projektit për dhënien e shtetësisë shqiptare për investitorë të huaj dhe të pasur.

 “Lëshimi i pasaportave nga një firmë private do të thotë se shtetas shqiptarë mund të bëhet edhe derri e dosa nga çdo vend i botës, edhe nga shtete jo miqësore me ne dhe me BE”, thekson ai më tej.

Reagimi i plotë:

Me “pasaportat e florinjta” Edi Rama jo vetëm po e paraqet Republikën si shtet zuzar që shkel marrëveshjet. Ai po çon drejt anullimit arritjen e madhe të qeverisë së PD në v. 2010: liberalizimin e vizave pra udhëtimin lirisht në Europë. Po ashtu lëshimi i pashaportave nga një firmë private do të thotë se shtetas shqiptarë mund të bëhet edhe derri e dosa nga çdo vend i botës; edhe nga shtete jo miqësore me ne dhe me BE. Mjafton që të paguajnë e të lyejnë rrotën. (kjo ka ndodhur pak vite më parë edhe në dy-tre shtete të BE të cilët e anulluan me urgjencë mbasi u plasën skandale korrupsioni). Rrezik sigurie e dëm reputacioni!/CNA.al

 





Lajmet e fundit nga